林鄭月娥-政綱

林鄭月娥 應該提出修例解決打風後無法放收拾殘局假嘅法理漏洞

林鄭月娥 唔宣布明天停市,當然被人鬧爆,但有個好實際嘅技術問題,就係 林鄭月娥 手上缺乏法律工具,令緊急情況下,公司係必須強制放假,依家八號風球放假,同埋停市都係某程度基於慣例,所以一定要修改《公眾假期條例》,賦權政府解決問題,否則政府一定以無權可用為理由,將一切責任推到一乾二淨。

林鄭月娥 缺乏嘅法律工具

根據現行《公共假期條例》,除非斬咗本年度另一個假期,或者修改成條《公共假期條例》,否則 林鄭月娥 無權迫人放假係事實嚟。問題出咗喺《公共假期條仃》第6條第3款

行政長官會同行政會議可藉在憲報刊登的命令指定任何一年的任何一日為增補的公眾假期,以取代本屬第(2)款規定為該年內增補的公眾假期的另一日。

無錯, 林鄭月娥 可以刊憲迫明天放假,但要斬邊一日假期?聖誕節?重陽節?定好乞人憎嘅十月一日?

要解決呢個法理問題,只有喺《公眾假期條例》第6條額外加多(4)同(5)款,呢個係我嘅建議寫法,如果真正爭取勞工權益,左膠應該跟機:

(4)行政長官會同行政會議,可以於以下情況,藉刊憲額外給予法定假日:
(a)於發出黑色暴雨警告信號,或八號烈風及暴風信號或更高之熱帶氣旋警告後,基於公眾利益,必須給予額外公眾假期或;
(b)於出現嚴重法定傳染病情況下,食物及衛生局局長簽出證書,證明基於公眾利益,必須給予額外公眾假期或;
(c)於基於公共安全情況下,保安局局長簽出證書,證明基於公眾利益,必須給予額外公眾假期;

(5)立法會,可以於以下情況,藉決議案額外給予法定假日:
(a)於發出黑色暴雨警告信號,或八號烈風及暴風信號或更高之熱帶氣旋警告後,基於公眾利益,必須給予額外公眾假期或;
(b)於出現嚴重法定傳染病情況下,必須給予額外公眾假期或;
(c)於基於公共安全情況下,必須給予額外公眾假期;

而《傭傭條例》要作相應修訂,令呢個假期係勞工假,唔係銀行假。簡單嚟講,就係訂條《公眾假期(緊急情況)修訂條例》,去徹底解決呢個政府或議會無權可用嘅問題。

One thought on “林鄭月娥 應該提出修例解決打風後無法放收拾殘局假嘅法理漏洞

發表迴響

你的電子郵件位址並不會被公開。 必要欄位標記為 *