林鄭月娥-樓價-min

林鄭月娥 向奸商叩頭不顧市民安危

教育局從善如流宣布中小學停課,果斷行動,但 林鄭月娥 好明顯唔係,雖然市面實況話俾大家聽,停工停市係必須,因為根本市面一片混亂,仲未計家長有責任照顧子女,避免獨留家中嘅問題。但 林鄭月娥 係向奸商叩頭,只係話,請各公司體諒員工,彈性決定俾員工上班與否。

林鄭月娥 唔敢對付奸商

如果香港係正常西方國家, 林鄭月娥 嘅勸諭好夠,各大公司自然會同工會商討,再作適當安排,唔駛我一早叫人停市停工。但香港商界邊係呢種心態,點解會有李氏力場呢個爛gag,因為有次天文台掛嘅八號風球威力不符預期,香港商界就批評天文台,令天文台喺發出熱帶氣旋同暴雨警告上極度保守,跟住李嘉誠幫全香港商界硬食呢啲批評,其實真正有問題,係有啲比李嘉誠賺得更盡嘅地產商,以及好似張宇人呢啲當員工唔係人嘅人渣,你依家 林鄭月娥 根本無吉士喺呢個問題上,同部分無理奸商對著幹,仲搞乜嘢土地大辯論,依家就真係土地大便論。依家呢種講法,根本係向奸商呢頭,不顧市民安危。

依家香港嘅情況,大量幹線公路冧樹,港鐵唔少鐵路線嘅架空電纜被破壞,根本唔可能通宵修好,能夠三日內修好已經要還神,依家仍然係八號風球,八號風球只要維持到午夜,就唔可能好快咁完成必要嘅維修工作,當然天文台可以好巧妙咁,以風力或天氣嘅理由,將八號風球延長至明天中午,或將黑色暴雨警告嘅發出標準,喺呢一兩日執行得極其寬鬆,去達致同一標準,但呢個就變成天文台呢個科學為本部門要作出政治決定,呢樣嘢我係強烈反對,所以政治責任應該由政治官員負責,而 林鄭月娥 公務員出身,應該知道公務員係唔應該要承擔呢啲政治責任,當然可以由勞福局局長去做,但都係果句, 林鄭月娥 俾人就係一個不顧公眾安全,無吉士嘅形象,之前攞嘅分,呢個位輸突咗。

當然,我相信香港飲食界係最大棚仆街迫人返工,係唔係要搵人自發運晒杏花邨啲廢膠,街上樹枝去晒張宇人屋企同公司門口?如果香港係法國,一早有人咁做好耐,張宇人根本唔可能講啲咁仆街嘅嘢。咁鍾意迫員工返工,你張宇人加李梓敬自己試吓先。

2 thoughts on “林鄭月娥 向奸商叩頭不顧市民安危

發表迴響

你的電子郵件位址並不會被公開。 必要欄位標記為 *