山竹-核電廠-台山-min

山竹 停市 台山 港珠澳 高鐵

山竹 我一早講咗Cat 3颱風打到嚟唔係講玩,跟住我都話受破壞程度太勁,根本唔可能正常運作,特別有咁多爛玻璃、冧樹事件。教育局當機立斷宣布無條件停課係罕有正確決定,我認為政府應該當機立斷宣布停工,因為港鐵架空段嘅災情,同大量道路阻塞,大量家居需要善後,其實停埋禮拜二都係啱啱好。如果仲有老闆堅持恢復,我覺得下次颱風可以捉佢喺城門河邊守河。

山竹 真正危險未完

香港搞到人仰馬翻,只不過係頭盤,依家仲有幾件事,政府係未交代,或將即將發生,呢個至係大災難

1. 先講港珠澳大橋,以呢次洪水嘅程度,風力嘅強度,成條港珠澳橋嘅隧道應該充滿積水,而且有大量各式各類嘅結構損傷或危機,係唔係應該當機立斷宣布廢橋,以 山竹 嘅破壞力,港珠澳大橋嘅隧道、人工島、橋墩狀況,令人十分之懷疑。

2. 之後新界黑雨都玩到水舞間嘅高鐵,我估應該無辦如期通車,既然高鐵成件事都膠,港鐵又無錢賺,不如無限期推遲一地兩檢實施日期,以及通車日期,以天災為理由停咗佢,大家好落台,反正係上帝決定,依家硬要通車,只會招嚟香港人更大嘅怨恨,而政府喺依家嘅災情上全無交代,呢樣嘢亦根本上係唔得嘅。

3. 真正危險係台山核電廠,因為呢個颱風登陸點就喺核電廠附近,風暴潮勁成咁,我想問果啲後備發電機仲運唔運作到?呢件事我十分之懷疑。

4. 根據福島經驗,如果唔係福島當時爆廠嘅畫面喺NHK播出嚟(當日就已經播出),我話俾大家聽,我當時係睇以下NHK即時畫面,知道福島爆咗,非走不可

當然,中國唔會做呢樣嘢,中國同蘇聯一樣,正仆街嚟,如果依家唔係福島事故想定,係臭屎密冚嘅切爾諾貝爾想定,咁你個輻射偵測儀器,會幾時有不㝷常嘅輻射讀數(因為香港花崗岩環境本底輻射較高,持續0.5μSv/h以上即為不正常),切爾諾貝爾係1986年4月26日凌晨出事,1986年4月27日歐洲多國都已經測出不尋常輻射讀數,如果中國嘅核電廠爆咗鑊,應該呢幾日讀數就嚟料,至少未來廿四到四十八小時至為關鍵。

都係果句,祝大家好運。

3 thoughts on “山竹 停市 台山 港珠澳 高鐵

  1. 香港教育局提早宣佈停課絶對唔係當機立斷,根本係俾澳門嘅吹水安挑機唔跟唔得。港澳時間 1430,澳門特首辦出通告,並 Via TDM, 宣佈 星期一全面停課兼非緊急政府部門及公務員休息。果然賭仔格即係賭仔格!澳門就係博你香港唔敢跟晒!就玩鬥大! 呢場 Show hand 局!澳門已赢!但扺死在澳門呢個決定又好跟 Common Sense 喎!

  2. 結果係賭贏咗!賭嘅嘢!一係贏!一係輸!冇如果!亦冇鑼輯!走勢可言!

發表迴響

你的電子郵件位址並不會被公開。 必要欄位標記為 *