十號風球-min

山竹 挑戰 十號風球

我寫呢篇果陣,天文台啱啱發出九號風球,雖然天文台話視乎情況決定發 十號風球 ,但以 山竹 嘅情況,如果喺珠江口掠過, 十號風球 幾乎係無懸念,只不過問題係依家 山竹 嘅風暴潮,究竟會對核電廠以及香港本身造成幾大破壞。

山竹 引發風暴潮形同海嘯

大家依家最擔心係 山竹 引發風暴潮,大家睇香港時間早上六點幾,香港電台喺杏花邨拍得嘅巨浪就明,雖然依家 山竹 最接近香港果陣,香港係無天文大潮,但天文台喺預測海圖基準面嘅水位度,係用挑戰溫黛嘅五米水位,五米即係兩層樓高,我再覆查,其實2013年中國喺核電廠嘅透明度,仲好過依家習近平年代。照2013年《星島日報》嘅報導,佢係咁講:

大亞灣運營公司發出新聞稿,稱已從福島事件中吸取經驗,進一步提高營運安全,各電站增加了備用電,如移動柴油發電機,以應對失去外部電源的情況,而一旦遇上特殊情況導致電力中斷,蒸汽推動的給水泵仍可持續運作,大大減低反應堆過熱的風險,而站內的非能動應急高位冷卻水源系統,亦能為核電站提供逾七十二小時的備用應急冷卻水源,預防嚴重事故。
  該公司指,各核電站已安裝十七米高的防波堤,廠房亦坐落在離水面約六點五高的地面之上,廠區亦有設有防洪設備;至於嶺澳核電站四台機組亦按廣東電網的要求,減載運行。

呢啲中國式廢話好難頂,但大致意思係

1. 大亞灣嘅後備發電機,係根據福島經驗移動過,如果2013年至今情況無變,大亞灣係應該頂到
2. 大亞灣係有Passive嘅冷卻水系統,即係唔駛用泵都流動到嘅系統,呢個係新一代核電廠根據福島教訓而整,72小時係夠等到有柴油發電機介入。
3. 廠房海拔6.5米,防波堤17米高
4. 嶺澳核電站有做減loading(2013年)

依家有懸念係嶺澳,因為大亞灣係中英法聯營,好多嘢佢地好小心,但嶺澳唔係,所以依家要問係嶺澳,嶺澳同大亞灣有無減loading同處理山泥傾瀉問題。

但陽江同台山兩個,即係最近登陸點果兩個,依家我睇嚟睇去,都係黑洞,我已經係連中國啲官方料都搵一餐,都係黑洞,陽江、台山兩個海堤高度,底座高度等資料,我係搵咗幾日都得個桔。中廣核唔答,係維穩傳媒如香港01、立場新聞都係得個桔,咁可以點呢?我都未計防洪問題。

總之,明知風暴潮嚟緊就咪落街,有乜事我唔擔保,依家睇幾時 十號風球 。

發表迴響

你的電子郵件位址並不會被公開。 必要欄位標記為 *