山竹-min

星期日風暴 : 山竹 襲港下嘅香港集體失效問題

山竹 以超強颱風姿態來犯,我依寫緊果陣係2339 UTC +2 (0540 UTC +8/HKT),但係 山竹 已經再度增強,登陸果陣係乜嘢級數嘅風都唔知。但有樣嘢係肯定, 山竹 襲港之下,香港出現集體失效危機,點可能由一個住喺德國嘅人,提醒大家 山竹 登陸核電廠嘅危機。由呢件事,已經睇到 山竹 襲港之下,香港集體失效去到乜程度。

山竹 要關注嘅議題唔係政府或NGO或傳媒做?

先講核電廠問題,呢個議題多少同我喺311嘅親身經歷,畢竟你好難諗到,你避得過地震同海嘯,但最後竟然係中核洩漏呢樣嘢㗎,雖然我喺東京。但 山竹 提及嘅議題,一向係綠色和平之類環保組織,或一啲關注核電議題嘅傳媒或KOL做,但最後成班友去咗邊,綠色和平尚可原諒,因為佢地花咗好大精力喺保衛郊野公園,但其他環保組織呢?得一個本土派嘅譚凱邦做嘢,跟住一直都係本土派(唔係熱普城果啲,亦唔係仇思達之類垃圾)做嘢,除咗小弟,有譚凱邦(新民主同盟、馬灣選區),跟住呢?梁啟智、立場新聞、香港01呢幾條友出嚟,係睇到SEO走勢,知道紙包唔住火,要出嚟維穩定係點。

其實 山竹 呢個議題,以至居民撤離嘅問題,應該係政客一早出嚟講,但呢次泛民又好,本土派想出嚟選果啲政客,到土共全部去晒邊,風暴期間最需要政客、意見領袖嘅時候,集體潛水嘅人大把,所以至有人可以如斯大模大樣去炒皺紋膠紙,炒膠紙呢件事,係我呢世人研究颱風以嚟,聽過最荒謬絕倫嘅事件,約克、韋森特打果陣,甚至天鴿果陣,我都未聽過啲咁黐線嘅事。而新民黨陳家珮走去派牛皮膠紙,咁以為係社區工作,簡直係反映香港土共政客如何離地同埋缺乏常識。不過果個黨都不嬲出名有大量離地之人,否則都唔會有人諗住一路大住肚,一路有得投票咁仆街喇。

如果政客唔做、NGO唔做,都唔緊要,傳媒應該做嘢,但結果今次傳媒去咗邊,結論係潛水,無論高鐵、港珠澳大橋、核電廠,都無人追落去,無錯呢次政府有技術上進步,大澳同鯉魚門提早撤退係啱,香港早過澳門展開撤退行動,呢個係合理,但以呢次 山竹 風災論,似乎核電廠係當前最大挑戰同危機,結果傳媒無人做嘢,當傳媒都失職、政客都失職、政府都無做嘢果陣,其實由一個住緊喺德國嘅人去提呢件事係荒謬到爆。提出核電廠安全問題,其實呢個係福島教訓嘅一部分,喺美國或任何西方國家傳媒,都係一定會問嘅問題,但結果人人失蹤,所以膠紙恐慌,某程度上都係呢股傳媒、政府、NGO同政客集體離地後嘅反映,佢地寧願信無乜實效嘅膠紙,都唔信你呢班高高在上,在廟堂之上嘅友仔,有時候,唔係識上Facebook就代表落地,掌握民意脈搏,係一種習慣嚟。

但無論如何,有一班人肯定最無恥,就係果啲打風仲開工嘅五毛黨,五毛黨嫌喺日本令一名台灣官員自殺唔夠喉,呢班人渣,我比較想颱風期間,唔係浸死,就係電死。呢啲五毛,喺核電廠問題上,只係理保駕護航,完全唔理會實際危險,如果你覺得件事無危險,點解一開始就係人身攻擊,而唔係用證據證明果件事係無問題?好似安輪狗狗一類五毛,其實我都知你乜水,我唔理你人喺英國、澳門定香港,你都係一件仆街,做少啲仆街嘢,日後如果被人算賬唔會咁慘。唔係開口埋口都係獻世派,就代表你唔係五毛,因為熱普城都係一班投共走狗。呢啲事,亦我對五毛唔打算講道理嘅原因,呢啲人根本係人形病毒,唔清理佢地,個社會根本唔可能正常運作,呢班友只係濫用資訊年代嘅便利。

當然,我個人都希望 山竹 只不過係虛驚一場,無人真係想天災噩夢成真,但問題係,如果呢種社會瓦解趨勢持續,不單只有更大嘅危機無法處理,而且好大機會,人民自力救濟得多又無民主制度去換政府果陣,最後結果係革命,香港人依家有無膽根本唔係有問題,正如辛亥革命最終成功都係一件賭X膽粗粗賭一鋪,將大清帝國一早出現嘅分裂變成浮上水嘅現實。一如香港本土派力量嘅興起,都係因為好多中國人入侵造成嘅民生問題無解,自力救濟嘅結果,限奶令係由一個我咁嘅小商人提出,都反映出當時政府去到乜嘢層次,依家係再度加深,真正人民力量崛起係遲早嘅事。

發表迴響

你的電子郵件位址並不會被公開。 必要欄位標記為 *