山竹-核電廠-澳門-min

討論 山竹 發展嘅一啲問題

喺 山竹 開始迫近中國南部海岸果陣,我相信依家香港快就八號風球,因為 山竹 嘅烈風圈係四百公里咁大,呢個亦係天文台喺離香港1100公里都要發出一號戒備信號嘅原因,只不過,有啲人討論 山竹 嘅方向同手法,我呢個遠喺德國嘅人,真係睇到頭都搖。

山竹 嘅威脅

首先, 山竹 係唔係越過呂宋後以一個Cat 5颱風掠過嘅問題,首先,依家仲有成500公里遠俾 山竹 重整,只要南海海水夠熱就得,呢個亦係CNN推測係以195kph威力掠過嘅原因。更重要係,香港一向都係面對 Cat 1颱風登陸,溫黛嚟個Cat 2頭已經造成極嚴重破壞,依家 山竹 嚟個Cat 3尾都隨時大開殺戒嘅級數,所以唔好話乜嘢 山竹 會減弱,講呢啲嘢嘅人,根本不負責任,我無預期嚟個 Cat 5,但嚟個 Cat 3都足以超過香港呢個城市嘅可承受範圍,香港政府同天文台呢次嚴陣以待,係有科學數據支持, 山竹 風眼無登陸呂宋果陣咁靚,但唔代表佢本身唔係一隻怪物,到依家,佢仍然係一隻好可怕嘅怪物嚟嘅。

跟住,係 山竹 真正威脅問題。

喺311嘅親身經驗,我對天災嘅睇法係,經常面對嘅天災,人類係有辦法用經驗、制度同技術去克服佢,所以地震六級,對中國可能大件事,但日本東京係唔算大事,因為日本成個制度、建築技術都係回應地震。同樣,對香港市區大部分建築物,以至相當一部分排水系統,都仍然可以承受呢次 山竹 以Cat 3來犯(Cat 5就基本上等天決定),但有啲問題,基本上係人為技術不當,其實係一早察覺同提醒,好似核電廠問題,有讀者一早提醒我,我隨即做功課去研究,加上我本身喺東京經驗,我係睇住福島情況決定撤離日期,所以我一早預警,係核電廠仲可以shut down機組果陣去提醒,唔係賊過興兵。

但有傳媒,以至KOL,應該係睇Google Analytics嚟出嘢,唔係真心為咗公眾利益,你依家9月15日至走去問中廣核,我提出警告後,跟住譚凱邦,依家立場新聞同梁啟智至走去跟機,當然,跟機好過香港傳媒乜都唔做少少,但呢種賊過興兵式跟進,對件事有無幫助?我好懷疑。

當然,香港政客簡直垃圾,政界有做嘢叫譚凱邦(新民主同盟、馬灣選區),其他?我唔見嘅。香港政界真係令人無言。

發表迴響

你的電子郵件位址並不會被公開。 必要欄位標記為 *