山竹-核電廠-澳門-min

山竹 迫近珠江口備忘

山竹 越過呂宋島後,雖然已經唔係Cat 5,但以南海嘅海水溫度,維持佢以Cat 3 – 4威力登陸,應該無問題,至少美軍JTWC係維持 Cat 3 – 4 水平,只係預測方位唔同,香港天文台嘅超級電腦(被人叫火星預測,因為佢一係準到離奇,一係離晒大譜九唔搭八),更加係預測直指珠江口。但點都知,有啲人係要鬧,有啲嘢要記住。

山竹 咁迫近法中廣核繼續潛水

1. 根據美軍嘅數據,好大機會 山竹 係直接喺陽江核電廠近距離掠過,而且同台山核電廠嘅距離都極近,亦可能掃正台山核電廠

山竹-核電廠-澳門-min
山竹-核電廠-澳門-min

係仲近過我之前篇文美軍嘅預測路徑,我想問中廣核依家做唔做shut down兩個核電廠嘅程序,到依家都唔向公眾交代,呢班友係唔係人渣嚟。依家香港天文台預測海水高度會高2米,我估風暴潮影響,如果個風咁近掠過,隨時講緊3米以上大浪湧入核電廠廠區,係唔係有人想玩到福島翻版先肯出嚟交代,甚至只係搵個二打六膠官被自殺算數,我對中國呢種不負責任嘅核電營運方式感到高度嘅不安。

2. 就算掃去珠江口,唔掃去珠江口,澳門都幾乎係死硬果隻,如果依家仲有膠人留喺澳門,呢啲人真係完全唔抵可憐,依家睇個風嘅威力,但以天鴿果個情況,澳門浸到庶近棄城,都應該相差唔得遠。

3. 依家香港天文台預測鰂魚涌水位比平日高2米,即係香港真係好多地方準備水浸硬,如果市區街道出現浸到上天花板嘅情況,我唔會感到意外,大量雨水加風暴潮,平日排水系統幾好都未必頂得住,更何況香港人啲公德心有幾好大家心照。果條高鐵我覺得報廢機會極大,如果咁浸完都仲要通車就你搭埋我果份,而港珠澳大橋,究竟政府幾時宣布廢橋,因為條橋頂得住,果個人工都唔似會頂得住,喺一個有可能受 Cat 3或以上颱風侵襲嘅地方,起條咁嘅橋都真係傻的嗎。但港鐵嘅排水系統都值得注意,馬英九做台北市長果陣,膠到大量洪水湧入,台北車站浸到變儲水池,然後台北人成個月唔駛搭地鐵,我覺得香港政府依家膠力好有潛質重演呢段歷史,叫港鐵唔好浪費時間保住果條廢鐵,睇住用緊果堆鐵路好過。

One thought on “山竹 迫近珠江口備忘

發表迴響

你的電子郵件位址並不會被公開。 必要欄位標記為 *