山竹-核電廠-2-min

山竹 來犯之下各核電廠有無應有透明度

山竹 好大機會用一個超過溫黛嘅強度,進擊香港以及中國南部海岸,而香港附近有四個核電廠,用EPR嘅台山,用CPR-1000(China Pressurized Reactor-1000呀,嚇X死你)嘅陽江同嶺澳,仲有用咗幾十年嘅大亞灣。因為 Cat 3 – Cat 5颱風會造成風暴潮,依家仲未聽到核電廠關機,亦無交代點監察核電廠,大佬,如果我喺香港可能仲坐立不安。

山竹 來犯各核電廠應回應嘅問題

喺美國,要面對颱風來犯核電廠,有幾樣嘢

1. 核能規管委員會(NRC)嘅官員必須註守核電廠監察
2. 核能規管委員會同各政府部門同核電廠有正常同後備通訊渠道
3. 要確保核電廠嘅防洪措施同後備發電機足夠
4. 供後備發電機嘅燃料可供七日使用
5. 當風力可能到颶風程度前兩小時,就要完成關機程序
6. 喺風暴抵達前十二個鐘,就要定期向NRC提交報告,確保一切無問題

我想問依家香港鄰近果四個核電站,同埋個政府做咗啲乜,係無,乜都無,依家香港人對果四個核電廠安唔安全一無所知,甚至好多外國傳媒,都唔知依家呢個怪物有可能喺十分接近核電廠嘅位置登陸,全世界可能真係類似福島核電廠嘅意外出咗,全世界至知道中國根本係黐線而罔顧人命咁喺廣東省使用核電,仲要係無監管,亦相關技術上完全無驗證過,香港人乜事都唔知。

到依家,保安局有答到港珠澳大橋嘅問題,都無答核電廠嘅問題,保安局係負責核電廠問題嘅部門,點解李家超一句嘢都無交代,你唔好同我講,李家超都要睇《文匯報》至知啲核電廠有無問題。如果香港政府真係係知道福島核電站係點嘅一回事,係應該向公眾交代,喺 山竹 襲港前,依家接近香港四個核電廠,究竟情況點。

侵襲美國東岸嘅Florence,登陸果陣只不過係 Cat 1威力,即係一般香港會遇到果啲颱風,但根據NRC嘅新聞公報,但受影響核設施,好多都係主動停機,以策安全,依家 山竹 強到要千一公里都要掛一號風球,但中廣核集團到依家係乜嘢都無講過,我完全覺得有無搞錯,我十分之懷疑 山竹 之下果堆核電廠嘅安全。

發表迴響

你的電子郵件位址並不會被公開。 必要欄位標記為 *