山竹-核電廠-2-min

山竹 襲港備忘

山竹 有可能係香港歷史上最強颱風之一,依家隨時唔會撞呂宋島,或者呂宋島對 山竹 影響力甚低下通過巴士海峽來犯,當然颱風路徑永遠有變數嘅,但有好多功夫係有備無患,我呢度大概講吓,依家 山竹 呢個來襲一啲備忘,希望會有用。

山竹 襲港備忘

1. 買大量嘅飲用水,呢個係當前急務,買到幾多就幾多,因為一旦停電,或水管受創,你唔知幾時有水,尤其你住喺新界鄉郊,除非,你打算喺9月15日離港避難,呢個另計。

2. 當然,最好係乾糧,如果你有玩開行山或野戰之類,有MRE存貨,將會十分有用,MRE全部Meal, Ready-to-Eat ,即係軍用口糧,軍用口糧最好就係佢可以無水煮食,當然香港唔多地方賣軍用口糧。如果你有打邊爐嘅GAs爐,買多幾枝Gas,你隨時被 山竹 搞到要用Gas爐煮食,我唔係講笑,有露營Gas爐,都係買多幾枝氣。而糧食,最好係易煮,甚至唔駛煮,即係公仔麵同午餐肉,當然你前提係準備大量食用水。

3. 有部分759分店,我記得有賣日本果啲長期備用,地震用糧,唔知依家有無,果啲你可以買返嚟,呢次絕對幫到你。

4. 你要有停電嘅心理準備,停電原因好多,例如香港郊區高壓電纜吹斷,你應該幫你嘅後備電源做好晒充電工作,如果你住新界村屋,有發電機嘅話,將發電機盡力搬上三樓之類地方,準備夠幾日用嘅燃料俾發電機。如果你有太陽能發電裝置俾啲低功耗設備,應該攞出嚟用,果類停電,唔會一時三刻搞掂。

5. 如果你住村屋,喺地下果層,你果度排水差,會水浸,唔好猶疑,將貴重財物搬走,有迷你倉,將部分電器搬入迷你倉就撤退,搬去酒店,定索性離港乜都好,因為呢次啲水可以好深,我唔認為你要搏命,你間屋一定唔會安全。

6. 如果你怕核電廠爆大鑊,你應該考慮請一個禮拜假暫離香港,去日本東京、名古屋、南韓,或新加坡都可以,你主要目的係避風,當然你要依家執好你間屋。你喺撤退區(大澳、鯉魚門)應該考慮呢個方案,香港啲酒店搶錢到咁,不如直去東京、名古屋等避算。

7. 如果你有輻射測量計(日本有嘅,有人買過,我喺香港都有嘅,或你係大學研究人員),應該密切留意未來幾日讀數,一旦爆咗大鑊,至少你會知。因為一爆大鑊,輻射讀數應該不尋常上升嘅。

8. 你估外國國籍,應該保持同你所屬國家使館聯絡,包括部分無領事保護權嘅BC同BNO,因為你攞Emergency Travel Document或攞碘片都要搵佢地。

暫時寫到咁多。

發表迴響

你的電子郵件位址並不會被公開。 必要欄位標記為 *