牛皮膠紙-min

牛皮膠紙 都炒?傻的嗎

山竹襲港後,政府依家部分正常,但部分香港人個腦膠到爆,文具鋪走去炒 牛皮膠紙 ,垃圾網媒香港01走去分析邊款 牛皮膠紙 好用,簡直妖言惑眾,搶購 牛皮膠紙 果啲就直頭無科學常識,走去抽香港水嘅健吾就正一白痴。

牛皮膠紙 根本無用

先鬧果啲無知之人, 牛皮膠紙 唔係設計嚟擋風,所以係無保護玻璃作用,你只係幫文具鋪乘機清死貨,兼且浪費時間你清理窗上嘅膠紙跡,所以香港01係垃圾,幫文具鋪清貨唔駛咁做,但買果個都係傻嘅,真正王道嘅防禦工事,係搵師傅幫你屋企嘅玻璃窗黐Shatter Resistant Window Film,呢個係美國嘅做法,Shatter Resistant Window Film嘅好處係,除咗唔怕颱風隊冧窗,賊佬用工具爆你屋企嘅窗爆竊難好多,因為佢係連某啲槍械子彈都唔怕,同埋可以有埋擋UV功能,但當然呢個係要唔少錢 同埋一旦消防員要破窗入屋就難好多,所以裝唔裝呢啲Film,你自己決定,但美國專家一早講咗黐 牛皮膠紙 無用,如果仲有人sell 牛皮膠紙 ,叫佢自己摺埋。

之後係文具鋪,文具鋪呢個行為,我明白佢地要清死貨,但呢個做法,人地只會覺得你好核突,特別香港啲 牛皮膠紙 ,好多都賣中國製,質素甚差果啲 牛皮紙 ,呢啲風災財你都好意思發嘅。不過我留名有人買大堆 牛皮膠紙 以為有得炒,點只屋企成棟膠紙果啲膠人,我相信呢啲膠人,可以攞去國際各大傳媒,列為奇聞共賞嘅膠聞處理,我心諗真係十分之硬膠。

最後係健吾,又係攞呢單新聞同日本地震比較,311地震我喺東京車站同人一齊排隊食烏冬麵過,我諗講喺日本過天災,我應該有資格講嘢,首先, 牛皮膠紙 唔係必需品,呢啲愚昧防災行為唔係要先鬧,抽香港人水扮自己高尚然後谷你自己個content farm呀,仲有一樣嘢,日本果種天災期間守望相助,係有一套制度支持,好似311期間,災民可以喺便利店唔駛俾錢嘟食物走,因為實際係政府透過消費稅系統找數(當年內閣總理大臣菅直人係個腦轉得夠快)。跟住,有啲超級市場大減價,因為呢啲賑災行為,係有稅務減免配合,又可以做好公關而且對企業都好。深度談?有啲人係講嚟講去都日本吃喝玩樂嘢,走去學人講日本。

一卷 牛皮膠紙 加一個超級颱風山竹,真係睇夠世情。

發表迴響

你的電子郵件位址並不會被公開。 必要欄位標記為 *