山竹-核電廠-2-min

山竹 可能登陸位置極近核電廠

山竹 喺9月14日迫近菲律賓前採取偏西北路徑,令 山竹 預計登陸位置再度有變,我將台山核電廠、陽江核電廠同颱風預測定位數據入晒Google Earth Pro,我相信中廣核如果今日唔做停機程序,星期日有乜事可以係災難級。

山竹 登陸點極近核電廠

大家睇吓我入晒數據之後嘅圖

山竹-核電廠-2-min
山竹-核電廠-2-min

根據美軍JTWC嘅數據,可以有幾樣嘢。

1. 2018年9月16日(以UTC為準), 山竹 維持一個Cat 3威力喺南海之上,佢好明顯遠勁於溫黛。
2. 如果以 JTWC 嘅預測,香港島、大嶼山、澳門都會喺 山竹 嘅危險範圍,即係烈風圈,所以星期日打八號就機會好大,而且係一個十分危險嘅颱風,所以政府評估過後叫大澳、鯉魚門居民撤離係正確嘅,少數政府一早有妥嘅決定,應該係回應我前日嘅建議
3. 我對港珠澳大橋及其人工島喺Cat 3颱風正面吹襲下嘅生存能力極為懷疑,我相信係要有棄橋嘅覺悟。因為港珠澳並唔似有能力,喺呢個怪物烈風圈下可以生存。JTWC畫出嘅紅色圈係好清楚嘅。
4. 真正最令人擔心,係 山竹 嘅可能登陸路徑,係十分之靠近陽江核電廠,以及台山核電廠,陽江核電廠用係中國自己山寨出嚟嘅CPR-1000壓水式反應堆設計,而台山核電廠仲衰,EPR係法國貨,但係頂蓋係有問題,同埋個設計係未經法國核安全局驗證。

依家睇 山竹 會唔會再偏北到風眼唔撞呂宋島,即係直闖巴士海峽,係嘅話,以南海嘅海水溫度,佢有可能維持到 Cat 4 吹襲,屆時我真係唔知乜嘢世界喇。如果唔撞呂宋島,當然路徑可能有變嘅,但依家JTWC預測嘅路徑,情況係確實令人高度不安,因為依家係打風,風暴潮並唔係可以講笑嘅一回事,其實同海嘯來襲都係類似嘅災難。只不過海嘯難測,颱風相對易測。

所以由戰略角度,個風登陸香港係好過登陸中國係啱,因為果堆核電廠好有潛質重演福島嘅核事故,但相關反應堆勁過晒福島出事果個,而且唔知係唔係用MOX燃料,而兩個核電廠咁近連環中,真係人間大災難。最好應該開始停機,唔好full load嘞,今日停機都唔知趕唔趕得切。

One thought on “山竹 可能登陸位置極近核電廠

發表迴響

你的電子郵件位址並不會被公開。 必要欄位標記為 *