中美貿易戰-你大我-貿易戰

貿易戰 美國係最大贏家

中國同美國就 貿易戰 再進行談判,只不過,美國唔少傳媒因為唔鍾意Trump而講到美國求中國去談判,呢個簡直係黐線。 貿易戰 上,其實美國唔志在同中國傾,相反,如果美國放慢板去同中國傾,中國就真係等幾時去到支爆臨界狀態。

貿易戰 美國贏乜

最初全世界都以為Trump係傻嘅,打無差別 貿易戰 ,以一敵n,但好快Trump喺歐盟、日本、墨西哥同加拿大露出底牌,歐盟佢根本想要歐美自由貿易協定,大家都零關稅,我相信皆大歡喜,墨西哥果個deal,根本係Trump送嘢俾墨西哥,佢想借經濟解決偷渡同犯罪問題。依家美國 貿易戰 唯一敵人,講嚟講去都係得一個,就係中國,要求中國開放市場,尊重國際市場嘅各種規條,其實佢嘅目的,同當時第一次中英戰爭之中,英國實際要求一樣,用鴉片只不過係玩膠(當然係玩出膠嚟),但真正目的係要平等自由貿易,否則唔係只係要一個叫香港嘅島,對當時大清帝國嚟講,香港只不過一個光禿禿嘅荒島,佢地仲以為英國佬係白痴,山長水遠打場仗,要只係一個島咁大把。

依家美國其實可以飛起WTO,所以除咗果啲蠢到加零一嘅BREXITER,WTO被人炸咗,都唔會有乜問題,一如二次大戰果陣,國際聯盟已經發揮唔到作用,當時出現美、英、法、蘇、中五國機制,亦即係今日嘅聯合國。同樣,依家WTO其實變咗一次至二次大戰之間嘅國際聯盟,依家Trump係搞緊貿易版嘅聯合國,只要打贏中國同俄國兩個仆街國家,就會出現北美、歐盟、日本嘅列強機制,WTO就會完成歷史任務,中國仲以為攞上去WTO大大枝嘢,佢自己搞到WTO個朵臭晒都唔知,所以我話中華人民共和國同大清帝國相比,思維上一啲進步都無,亦都係咁解,喺解讀國際大勢上,中國同當年大清帝國係一樣咁差勁。

所以美國將會係 貿易戰 嘅最大贏家,依家Trump唔即刻大開殺戒,只不過係美國商界壓力,要等聖誕果水貨上岸至出手,我相信聖誕果水貨上岸後,中國就會遇到有史以嚟最勁的關稅大懲罰,屆時中國想唔爆都幾難喇。

發表迴響

你的電子郵件位址並不會被公開。 必要欄位標記為 *