山竹-min

山竹 已成怪物:香港仲唔知死

雖然美國東岸受 Cat 2颱風 Florence 威脅,但由於佢只係 Cat 2,連CNN都留意 山竹 ,用怪物嚟形容 山竹 呢個依家有 Cat 5威力嘅颱風,雖然預料會喺呂宋島作首次登陸,但CNN都估 山竹 以 Cat 2 – 4威力登陸,即係佢掠過香港果陣,佢係一個 Cat 5怪物都唔奇。

山竹 真正威脅喺邊

如果 山竹 喺香港登陸,當時維持 Cat 5威力,固然一定十分之危險,但如果掠過呂宋島係,維持 Cat 4 – 5 喺香港以南200公里掠過,但陽江核電廠喺危險區域內,咁又點?

山竹-核電廠-min
山竹-核電廠-min

我唔明點解香港傳媒唔攞JTWC嘅KML,喺Google Earth Pro一比照所有關鍵位置,就知件事可以幾大鑊

上圖係JTWC嘅KML Overlay喺 Google Earth Pro位置,而陽江核電廠位置喺陽東縣東平鎮海邊,根據JTWC分析,最接近陽東縣東平鎮果陣,應該仍然係一個105kt系統,即係Cat 3系統,東平鎮被紅色圈掃過,出現五米大浪係好有可能,咁仲唔係有機會重覆福島核災?除非依家已經開始停機程序,都唔知停唔停得切,否則一旦後備發電機,同埋外界電力系統同時中斷,後果不堪設想,但完全無傳媒做呢個分析想定,我指香港傳媒,KML免費嘅,Google Earth Pro都係免費,但啲人就係懶,或者收到中聯辦果啲罔顧人命安全指令。如果今日有機位,其實依家坐飛機去日本或新加坡避難一個禮拜,都算得上一個負責任嘅選擇,一方面保住自己,另一方面,陽江核電廠有如黑洞,究竟中國仲當唔當人命係一回事。

而且依家仲有一個變數係,掠過呂宋島後會唔會變北,最恐怖情況係,最終登陸點唔係中國雷州半島,而係接近陽東縣嘅位置登陸,大家諗吓個風眼以Cat 3姿態登陸,或掠過接近核電廠嘅水域,會係乜狀況,呢啲想定,無人討論,無人諗過,我覺得黐線,我只不過係用Google Earth推算一下,都諗到可以幾牙煙。

不過有樣嘢可以肯定,如果 山竹 維持到Cat 3嘅話,澳門一定大鑊,就算依現時JTWC嘅預測,請香港人今晚離開澳門,為人為己。

發表迴響

你的電子郵件位址並不會被公開。 必要欄位標記為 *