港珠澳大橋防波堤-山竹

港珠澳大橋防波堤 唔可能頂得住山竹

大家都知 山竹 係一個異形,Cat 5嘅異形,有可能嚟到香港都仲有 Cat 4 威力,所以就算喺香港以南掠過都一鑊泡,只不過 港珠澳大橋防波堤 根本唔似有做任何嘢鞏固防波堤,我睇個人工島好大機會係咁先,隧道亦可能被巨浪湧入,完全變成一條水管。

港珠澳大橋防波堤 完全無鞏固過

根據一名讀者向小弟提供,喺香港時間9月13日於 港珠澳大橋人工島上空拍到嘅照片,依家 港珠澳大橋防波堤 狀態係咁

港珠澳大橋防波堤-山竹
港珠澳大橋防波堤-山竹
港珠澳大橋防波堤-山竹-2
港珠澳大橋防波堤-山竹-2

根據呢張空拍圖片,大家認為 港珠澳大橋人工島可以頂得住山竹呢啲怪物,我睇落可能性唔大。

依家大家都十分之懷疑, 港珠澳大橋人工島 嘅弱波塊,或者消波塊,究竟可唔可以真係發揮防護作用,天鴿話頂得住,但呢個係勁過溫黛嘅怪物,班友唔係諗住賭一鋪,賭個風會喺呂宋島大幅減弱,以現時各大氣象機構嘅推測,唔多可能出現喺呂宋島大幅減弱嘅情況,最多係 Cat 5 減到 Cat 4,但都有機會直接以 Cat 5 嘅力量過嚟,因為對上一個颱風唔係令南中國海海水降溫太多。所以依家嘅情況,係十分之令人難以對港珠澳大橋嘅安全有信心。

當然,如果依家咁嘅情況,港珠澳大橋啲工人應該及早疏散,而呢個工程應該及早放棄算數,根本唔可能守得住,要一個豆腐渣工程頂受一個超級颱風嘅襲擊,未免太天方夜譚,我諗港珠澳大橋,呢鋪都應該會被山竹摧毀,果個咁嘅防波堤,我都唔知喺巨浪下點留得喺度,我怕果啲石屎喺個海亂咁飄,查實係更加之危險,因為你根本唔知呢鋪山竹開邊瓣。仲有人話,應該睇唔到港珠澳大橋被摧毀,我想問果條友講嘢喺呢方面仲負唔負責任咁嘅呢?

都係果句, 港珠澳大橋防波堤 依家狀況,成個項目報廢機會極大,不如忘記咗呢個項目算吧,反正都唔會有用,同樣,我相信中國高鐵香港段能頂受到山竹呢挺怪物機會唔大,不如叫啲駐守西九站嘅公安用人肉守住條隧道,睇吓點。

如需轉載:基於公眾利益,絕對大部分傳媒皆可引用,請引用時提供本文 URL。惟熱血時報、立場新聞、輔仁媒體、文匯報、大公報、星島日報、澳門人在英國、九龍日報,恕不授權。

發表迴響

你的電子郵件位址並不會被公開。 必要欄位標記為 *