支爆-熊本熊-min

支爆 與鎖國

支爆 依家都好明顯爆緊,但係一個問題,呢個亦係回應近日唔少中國搞極左路線嘅人嘅諗法,就係 支爆 嘅結果係唔係鎖國。我睇 支爆 最大可能結果唔係鎖國咁簡單,而係內戰,跟住隨即國家分裂,甚至分裂後國家為爭奪領土互片。

支爆 鎖國 分裂

先講點解會有鎖國論,因為依家中國最大危機係資本外流,無論你幾唔認同毛澤東都好,黃仁宇嘅睇法係有佢道理,就係文革人人著爛衫,食大鑊飯,係儲到一定國家資本,呢個係改革開放嘅基礎,一如明治維新嘅前提,除咗當時日本已經有問屋等資本主義嘅雛形,同埋德川幕府透過鎖國積存相當資本,呢個同中國開國果陣,一開始就流失資本唔同。問題係,以鎖國防治資本外流,要以國家未能以數目字管理為前提,但依家中國係半資本主義,意圖走向數目字管理,而香港直頭已經數目字管理咗好耐,你點鎖國?一鎖國就一定打大交,因為慣咗數目字管理、資本主義生活嘅沿海地區,一定唔會陪你內陸班友癲,結果就係國家解體加內戰,基本上,只要有人想玩鎖國,中國嘅命運就已經注定,就係解體同內戰。內戰當然同中國人果種改唔到嘅大一統思維有關,完全無諗過歐盟果隻先獨後統,國家同超國家之間嘅關係,可能更合符現代社會嘅需要。

所以只要習近平一玩鎖國,唔好話香港,上海獨立運動一定風起雲湧,跟住浙江、江蘇、福建、廣東、廣西東部(原屬廣東省地區)好大機會跟機,係軍隊都唔一定跟中央走,因為軍隊嘅經濟利益明顯係同地方緊密相連,而福建更複雜,依家話福建受習系控制,但如果鎖國呢啲大事當前,會否寧願投靠同語系嘅台灣同檳城,建立一個閩語國家,呢個本身係未知數嚟。而廣東唔駛講,只要香港一離開,甚至回歸英國,廣東自己都會考慮離開,但原屬閩語系地區嘅潮汕地區,以及原屬粵語系地區嘅廣西東部一帶會點走,就變得曖昧不明,呢個簡直係一個巴爾幹式火藥庫咁滯。因為以語系為本嘅新民族國家,好大機會因此誕生。

邊個提鎖國果個,都係想加速支爆嘅癲佬,亦都係咁解,唔讀歷史亂咁舞,出事就幾乎係肯定。

4 thoughts on “支爆 與鎖國

  1. Would Hong Kong and Guangzhou people who got Chiuchow-Swatow ancestry be able to act as the middle people and offer to turn the independent Kwangtung state into a constitutionally bilingual or multilingual (con)federation? The same can be arranged for different parts of Kwangsi too.

發表迴響

你的電子郵件位址並不會被公開。 必要欄位標記為 *