iPhone Xs

支爆與 iPhone Xs

作為一個由元祖美國iPhone用到依家嘅人,見到蘋果出 iPhone Xs Dual SIM都覺得好事,至少日後業務要用Dual SIM,唔駛再用喺系統上唔穩定又唔安全嘅Android,Android已經被人玩到爛。但係 iPhone Xs 喺支爆下推出,我個人對銷情唔樂觀。

iPhone Xs Dual SIM邊個想買

其實 Dual SIM電話邊個市場最大,一定係中國,因為中國至要n咁多個電話區分唔同業務,喺西方國家,都無話唔駛 Dual SIM ,但以我個人經驗,Dual SIM可能更大用處係節省Data成本,例如平日業務用電話照用德國電話,但Data就由英國SIM,因為英國網速快好多,Data平好多,德國 Telekom 1GB Data 15EUR,英國 EE 2GB Data 係 10GBP,自EU隊冧晒inter-EU嘅roaming費用後,就好多人要 Dual SIM,但目的係慳錢,而唔係中國果種情況囉。而且歐洲人一向好慳,你要歐洲人攞成千歐羅買部電話,交到兩個月租呀,咪玩喇,呢啲真係黑錢太多嘅中國,至會有人咁駛錢買電話。

依家問題係支爆緊,中國嘅消費大大緊縮,或者 iPhone Xs 喺硬體上最好嘅iPhone,但銷量我個人擔心係重創,因為根本無中國班友買你部電腦,以往 iPhone 享有嘅Premium,一半係因為佢堅穩定好用,否則我都唔會長期係Mac OS X嘅支持者,但另一半中國人買iPhone嘅核心原因係炫耀,而依家炫富嘅友仔無晒果陣,你覺得邊個仲會買 iPhone Xs ?呢點我作為一個分析財經嘅人,我係有好大嘅保留,依家係成班唔識享受 iPhone 好處嘅人攞住成堆iPhone周街走。

你問我 iPhone Xs 夠唔夠用,我可以講,一部 iPhone Xs ,如果你用好嘅機套(我自己用歐洲製皮嘅機套),係可以用好幾年,我喺香港成日爛玻璃,但喺歐洲無點爛過玻璃。如果無爛玻璃問題,iPhone 7都有排你用,我真係唔知日後蘋果增長動力喺邊。或者有美製或歐製 iPhone Xs 我會換機,因為安全考量囉。

圖片為蘋果官方提供

發表迴響

你的電子郵件位址並不會被公開。 必要欄位標記為 *