山竹-min

山竹 來犯,勿當笑話

我自己某程度係氣象迷嚟,一如香港長大嘅氣象迷,最鍾意研究熱帶氣旋系統,即係颱風。雖然 山竹 呢個名好kai,都係一貫泰國嘅改名風格( 山竹 係替代榴槤呢個風名,大家諗吓都係膠系颱風名嚟),但喺地球暖化下,我唔認為 山竹 呢個颱風可以攞嚟講笑。

山竹 直撲就大件事

香港唔係好似日本同台灣咁,成日食到啲Cat 3 – Cat 5嘅異形應一應,所以香港人對 Cat 5颱風來犯係無概念,當然,呢個禮拜六或日最後個颱風會點走無人可以準確預測,因為有呂宋島地形呢個不明朗因素,但係呢啲 Cat 4 – 5嘅怪物,同平日嚟開香港 Cat 1 – 2 果啲唔同,你依家講緊係一個烈風圈有440公里咁大嘅異形,如果無喺呂宋島減弱,被佢係咁掂吓都幾大鑊,特別香港啲大廈,住宅都起到成六七十層樓高,仲要成堆高樓係未受過 Cat 5 颱風嘅試煉。我唔會叫大家無謂恐慌,但如果你公司電腦係擺近窗口,唔該搬到唔會水浸嘅地方,因為如果真係嚟料,我估好多窗會被KO。同埋,屋企啲嘢,你會預雨水入侵水浸嘅情況,至少出三號風球果陣就要執好間屋嘅一切,如果你所身處嘅大廈當風嘅話。爛玻璃,你就應該預咗,如果間屋太細,勢色唔對就去防風庇護站好過喇。呢個係 Cat 5異形,你唔一定當時要咁做,但你依家就有呢種心理準備同覺悟。基本上,村屋就唔住得人,好大機會。

大家如果要用歷史相比,可以用 1962 年嘅溫黛相比,溫黛都係 Cat 2級別嘅颱風,香港基建相對好就搞到一鑊泡,依家係香港基建退步遇上 Cat 4 -5 嘅物體,係 Cat 3 都隨時超越溫黛。所以我強調早準備係啱,國泰航空一早叫人改機票係正確,因為青馬大橋未受過呢類怪物考驗,情況類近關西空港嘅情況。

仲有,發揮守望相助嘅精神,任何行人路渠口嘅阻塞物,都應該有咁快得咁快清咗佢,唔好理有無清道夫,因為呢啲阻塞物足以搞到水浸,呢啲水浸啲罪魁禍首之一係要清咗佢,如果有仆街亂咁倒嘢入行人路渠口,應該告發呢啲仆街。你平日咁玩都唔啱,你依家 Cat 5 颱風 山竹 可能來犯都咁玩,你無嘢嘛。

至於澳門呀,如果西登嘅話,你不如向上帝祈禱好過喇,以澳門政府咁仆街同基建咁差,運一堆Dameasy都未必救到(亦都運唔切)。依家搬得切嘅,搬晒啲家當上天台,個風就嚟果陣就走上天台,如果唔係可以點,睇嚟真係會搞出氣候難民出嚟。但香港人,喺個風未離開前都咪去澳門,呢個係基本救命原則,如果你有親友喺澳門,亦應該儘快返香港。

中國呀,No Comment,如無必要,咪去中國珠三角其他縣市,有乜事無咗條命,我唔負責。

發表迴響

你的電子郵件位址並不會被公開。 必要欄位標記為 *