網絡23條公眾論壇

「政府歡迎市民參加明日(十一月二十一日)舉行的《淫褻及不雅物品管制條例》(《條例》)檢討公眾論壇,就檢討發表意見。 論壇將於晚上七時三十分至九時三十分在跑馬地黃泥涌道133號禮頓山社區會堂舉行,以粵語進行。 」

由於班土共同原教旨主義組織在11月20日,被黃毓民召來的大批性小眾團體,以及學運組織嚇到呆晒,加上明光社網頁被PCCW當成甜網來filter的膠事,令土共和原教旨主義者,除了伍婉婷呢件曾經被林忌開火轟擊的土共膠人,不自量力大發膠音外,連陳鑑林都係問些廢問題打發時間。

但係11月21日的公眾論壇,班土共,原教旨主義分子,一定call定大批人馬發膠音,所以我呼籲反網絡23條的各位,抽時間去公眾論壇,唔好俾呢班扮婦女代表,扮家長代表的抽水怪得逞,呢啲場合係擺明鬥人多。依家只能用數量火力,將呢班土共全部壓落嚟,以便同呢份硬膠諮詢文件講拜拜。

後話:IT界一向都係會無端端自告奮勇上IT Panel,我自己在單仲偕同鄭大班做IT Panel主席年代,都上過幾次,自譚偉豪呢件IT廢人當選立法會議員後,唯有莫乃光呢類有心人,或者我呢類IT刁民抽番些時間去立法會IT Panel會議,因為譚偉豪開會完全不在狀態,靠佢爭取IT界權益就真係死得。呢件梁君彥,純粹廠佬一件,除咗硬膠,我唔明佢何德何能做IT Panel主席。

One thought on “網絡23條公眾論壇

  1. 我去了,好靜,三十幾人得九人(包括小弟)講野,靜到呂大樂唔知點主持。

    講左MSN Live Blog試過Block BB相,當係Nudity一事,Charles Mok都係再一次講搵班唔用電腦唔止網既人,去訂管制網民既條例係戇居。

    至於副局長,都係日日無立場。

發表迴響

你的電子郵件位址並不會被公開。 必要欄位標記為 *