馬雲-卡片

馬雲 嘅著草卡片

馬雲 果然宣布退休,之前仲牙斬斬透過SCMP話人NYT fake news, 馬雲 邊度呃到睇慣中國國情啲人,今日阿里巴巴微博公布嘅 馬雲 卡片,有幾個點好值得留意,我相信呢張係一張 著草 卡片嚟,件事無咁簡單就係。佢每個title都諗過,我係習近平真係未必放過佢。

馬雲 每個title都度過

中國人度title一向好著重實利,共產黨影響下,你只要read between the lines,佢每樣嘢都反映某啲事,先講第一行中國浙江 杭州佬,你會唔會無喇喇話自己上海佬,喺中國嘅context,你強調係邊個城市嘅人,多少有據土自守嘅味道,呢個人會唔會一旦支爆又會宣布杭州獨立嘅人,唔出奇,否則唔會出呢個咁有本土味道嘅自稱。

阿里巴巴001號員工同合夥人,即係佢老人家退而不休,佢係毛澤東、鄧小平式退居二線,中國共產黨人一定識睇,鄉村老師代言人,其實同佢杭州佬自稱息息相關,佢可以用鄉村老師之名維權「起義」,呢個人搞慈善未必大家諗得咁簡單。跟住最後兩個聯合國title,除咗攞嚟大人,仲講一樣嘢,我隨時都可以離開中國,受到保護,第一個聯合國青年創業和小企業特別顧問,本身唔可以攞United Nations laissez-passer,即係聯合國公務護照,但聯合國世界婦女峯會聯席會議聯合主席,果個可以攞嘅。有時香港藝人執行聯合國兒童基金會任務,都case by case 攞到United Nations laissez-passer,United Nations laissez-passer可以喺世界各國通行無阻,即係話俾北京聽,我可以走,而且有人照,唔好亂嚟。

馬化騰太明顯係一個技術人,所以喺政治鬥爭上,佢未必有 馬雲 咁在行,喺遊戲課金問題上,騰訊一路處於下風,但 馬雲 唔係, 馬雲 買SCMP,到依家扮退居二線,充分反映呢條友係識政治鬥爭,佢有必要果陣,佢會落場玩自保,當然呢條友唔係好人,佢依家唔會同共產黨反面,佢會潛水,但如果有事要抽水,佢一定出嚟抽到盡就係。第一任杭州共和國總統,可能係佢或佢扶植。

發表迴響

你的電子郵件位址並不會被公開。 必要欄位標記為 *