星展香港-樓市-min

星展香港 發出樓市警號:堅要小心

雖然一直以嚟,我都話樓市好牙煙,但唔係銀行講樓市好牙煙,啲人都覺無嘢,但依家 星展香港 出嚟講樓市最好時光已經過咗,或者有大回落,呢次就大件事,因為銀行一直都會想隊冧樓市,而 星展香港 講法證明情況好可能已經好差果隻。

星展香港 同公開call loan無異

首先,如果樓市隊冧咗,銀行好可能要面對大批負資產,甚至可能要大舉call loan,銀行出售抵押品嘅難度亦都會大增,所以由銀行嘅角度,係唔會無啦啦走去話樓市最好時光已過,除非銀行認為風險水平真係太高,公開宣布唔做按揭咁滯,以及提醒客戶可能要call loan,咁就會公開作出警告,所以呢鋪 星展香港 係同公開call loan無異,大家可以唔駛旨意去 星展香港 做樓宇按揭,班友好大機會唔做,如果你嘅按揭喺 星展香港 嘅話,都要有心理準備,加按固然唔可能,依家供款除咗要準時外,仲要有心理準備銀行要你提早做partial payment,特別你摸頂入果啲,其實依家已經要可能考慮賣樓問題。

其實你怕唔怕係銀行首批call loan名單好簡單,你同自己做stress test,假設樓市大跌50%,你現有嘅Outstanding Amount喺資產減值後,係唔係超過資產嘅120%,如果係呢條數,咁銀行第一批就向你郁手,差唔多你一失業或供款不穩就call你loan,你要預埋加息可能嘅結果,因為福無雙至,但禍不單行,會係加息搞到供款增加、減人工幾樣一齊嚟。總之你樓市大跌一半,Outstanding Amount係你嘅減值咗一半資產價值嘅120%,你就依家好賣樓,否則你負資產果陣就堅出事。

當然,如果你已經供到好多,例如供咗八成,一係賣樓贖番錢,如果你唔係住高鐵沿線,又應該喺可見將來住落去嘅話,一係提早還晒佢,免得受加息影響,特別你係浮息果啲,就更加應該提早還晒佢,免得拖長供款年期,自己攞嚟搞,當然你都要留番啲現金嘅。只不過,依家銀行都開到聲,你仲視而不見嘅話,我只能講,條路自己揀,仆街唔好喊。

發表迴響

你的電子郵件位址並不會被公開。 必要欄位標記為 *