Mac-Intel-min

如果連 Mac 都改晒美國製造:中國真係玩完

當全世界等緊 Trump對中國所有產品收重關稅果陣, Trump 突然出Tweet,叫蘋果儘快落實建廠計劃,避免貨品受貿易戰影響。如果 Apple 連 Mac 都改晒美國製造,或美國嘅盟國製造,中國就真係會徹底玩完。

Mac 改晒美國製造遲早問題

點解特朗普咁睇重 Apple ,一方面 Apple 唔似 Dell、HP呢啲有接開軍方或聯邦政府合約嘅公司,供應俾美國嘅產品一般儘量自己製造,另一方面,蘋果基本上好多嘢都係自行設計,根本唔應該依賴中國,甚至我可以咁講,依家美國眾多電腦同手機生產商中,對中國最重要係 Apple ,如果 Apple 自己都將廠搬出中國,咁其實中國電子代工產業剩番都係果啲本身都出唔到口去美國嘅公司,好似華為、中興,Lenovo遲早都會被對付,因為IBM依家除咗賣自家Server,基本上好多時都唔賣Workstation,或者其實一部 Apple Mac 或 Dell 都好Powerful (Apple Mac OS X本身就係UNIX Workstation)。Lenovo收網做埋死人,都係遲早嘅事。

同埋依家中國喺知識產權上成日係咁抄襲,美國如果唔俾啲電子公司喺中國使用美國公司專利技術,屆時相關生產鏈都唔乖乖跟住走返美國或美國盟國,有可能火牛麻煩啲,因為全世界好多火牛都係中國製,但火牛呢家嘢,西方國家應該自己做番,因為涉及電器安全問題,其實我一直都對中國製各類火牛唔安心,以往MacBook火牛好耐用,依家MacBook火牛會甩晒啲線嘅絕緣膠,根本就係搵嚟搞,如果要平嘅,其實好多都可以搬去台灣或印度造,

至於中國市場,講真,如果支爆到爛,中國啲人唔會有錢買 Mac 同 iPhone,如果未爛嘅話,中國人嘅性格,佢地只會去美國搶購美製 iPhone 同 Mac,如果俾中國人揀,佢地要美製iPhone定中製iPhone,一定係美製iPhone,甚至可以炒得仲貴啲添,我相信呢一點,Trump都一早計埋,所以蘋果搬廠去美國除笨有精。

發表迴響

你的電子郵件位址並不會被公開。 必要欄位標記為 *