電子支付-min

電子支付 嘅是與非

喺北海道地震後,由於停電, 電子支付 失靈,造成好多問題,跟住大家都質疑駛唔駛一窩蜂去 電子支付 。我曾經喺311大地震度過日子,有啲國家確係無法做 電子支付 ,但有啲國家係連貨幣都無資格有,純用外幣或黃金交易就差唔多。

電子支付 不適用天災多國家

歐洲依家全力邁向 電子支付 ,有啲國家搞到無貨幣,因為歐洲地理環境少天災,有啲國家因為電訊網絡退聯,仍然要保持現金,例如德國同比利時都有呢個問題。但瑞典、丹麥呢啲,一早全國都用手機網絡接通嘅社會,係大有資格搞無現金社會。同埋呢啲社會,如果真係天災,就一定係政府賑濟,甚至自己已經走社會主義道路,因為本來呢啲國家已經好大程度上社會主義化,所以歐洲 電子支付 化係遲早問題而已。

但有啲國家,確係唔啱全 電子支付 ,好似北海道地震,停電都唔係問題,斷網絡先係問題,因為停電可以有後備發電機,但斷網絡,就無法核實交易,就乜都做唔到,除非衛星電話普及,否則就好大劑,衛星通訊唔普及果陣,一旦地震就會出事,所以多天災國家,如果要實現全天候 電子支付 ,一定要搞掂後備通訊網絡。又或者一旦到災難模式,當地嘅debit card同credit card交易進入offline mode,然後若干金額以下交易自動記入Terminal,並且由政府負責,作為一個緊急救濟嘅手段,但問題係,銀行同果啲跨國支付系統肯唔肯做呢件事呢?以Mastercard、Visa Card或Paypal呢類公司嘅態度,喺歐洲或者日本或者得嘅,其他國家免問。

中國行 電子支付 更大理由係,因為中國偽鈔太多,現金比 電子支付 更唔安全,因此中國嘅 電子支付 甩漏咁多都可以收貨,特別QR Code支付根本係漏洞多多,並唔實用。中國如果要大家可以喺天災期間可以應用到嘅貨幣,好大機會只有金幣以及外幣現金,外幣現金都會有偽鈔,都少過人民幣,點解我話金幣,因為中國人創意太強,外面包金,但核心係另一啲金屬嘅假金磚都有,除咗金幣可信,真係唔知信乜好,無晒信心下,資本主義根本唔會健康發展。

發表迴響

你的電子郵件位址並不會被公開。 必要欄位標記為 *