德國駐港領事館-抽水

德國駐港領事館 可以抽高鐵水抽到幾盡

德國駐港領事館 嘅Facebook抽水力一向都知,好多人都以為係本地員工傑作,其實有睇德國電視都知,二次大戰後抽水都好強,Extra-3同Heute-Show都係抽到全國乾晒。但呢次 德國駐港領事館 抽水,唔只神秘樓層咁簡單,直頭直線抽擊你高鐵無料到。

德國駐港領事館 抽高鐵由頭抽到落腳

首先,德國嘅高鐵站,同一般鐵路站都係用同一個站,甚至同一月台,大部分都係果個城市嘅Hbf (Hauptbahnhof,首要車站),係Berlin, Dusseldorf, Koln, Frankfurt am Main會同時市區有兩三個站(好似Berlin係Spendau、Hbf、Gesundbrunnen,一般以Gesundbrunnen做終點站, Dusseldorf係Hbf同Flughafen),而大部分高鐵站都喺地面,唔會有神秘樓層,光明磊落,係柏林Hbf係有地底月台,但地底月台,都可以由地面睇到,無古怪嘢神秘嘢,所以每週一字個車站月台係地面,都寸到好盡。

跟住,架火車係紅色,我笑咗,因為德國高鐵ICE係用白色,無論係本地DB自營,定係有其他國家,例如NS International(荷鐵國際)都係白色,比利時、法國、荷蘭同德國合資嘅Thyals就用紫紅色TGV(好易認,德國人唔興用咁姣嘅色),而紅色果架係乜嚟,一般係S-Bahn,或者係RB,最多都係RE(但RE好多時都雙層,都有單層,但唔多)。你用紅色列車,既可以抽你赤化,又可以抽你嘅高鐵根本係慢鐵,一啲都唔快,無料到,我都話過,德國RE可以飛到200km/h,香港果個所謂高鐵200km/h以為巧威威,真係俾著啲鐵膠,會笑到肚痛收場。所以德國呢次係抽到乾塘,點只教你德文,直頭寸你高鐵完全不知所謂。

至於藍底白字嘅指示牌同站名牌,呢個唔係德鐵專利,基本上,歐洲荷蘭、法國、意大利等地都係用藍底白字,因為某程度上係歐洲標準嚟,你要分辨唔同國家火車站嘅分別,一般靠語文同字體,因為字體係唔統一,例如你見到粗體啲嘅字,同一堆黃色火車,就係荷蘭境內,一堆灰色車係比利時境內。呢次果然開足馬力,德國人係對中國人抄ICE又攞嚟賣果件事耿耿於懷,得罪方丈係無得走。

發表迴響

你的電子郵件位址並不會被公開。 必要欄位標記為 *