人民幣-廁紙

人民幣 離岸拆息一夜扯高

好多人都仲唔信, 人民幣 會淪為廁紙,但依家我睇 人民幣 喺中秋前後會開始被狙擊,究竟中國人民銀行可以頂到幾耐值得懷疑,特別喺Trump嘅貿易戰政策之下,中國唔會有外幣入嚟。而香港財資市場公會人民幣同業隔夜拆息扯高成1.4厘,就知件事幾大鑊。

人民幣 喺中國水緊

其實 人民幣 喺9月7日於香港離岸隔夜拆息上升,係9月6日 SHIBOR 被扯高嘅結果嚟,當 SHIBOR 被扯高,即係中國銀行體系嘅人民幣唔夠,結果咪喺香港銀行系統搵,因為無論點都好,香港都係全世界有最多人民幣嘅自由地區,所以9月7日嘅財資市場公會嘅香港人民幣離岸同業拆息就有反應,仲要反應都幾激烈吓,都反映到市場嘅預期。畢竟SHIBOR中國可以利用人民銀行,以及國有銀行嘅管理權,控制住SHIBOR或CHIBOR嘅利率,但香港就一間HSBC Group玩晒,仲要成堆大鱷都係喺香港玩,所以香港 人民幣 離岸拆息嘅反應,遠比上海嘅激烈亦都合情合理,因為中國唔可以百分百人為操縱香港嘅利率市場。

人民幣 離岸拆息扯高,即係中國又想捍衛匯率,但又唔想利率上升,中國國內出現唔合符市場邏輯嘅狀況,所以啲人喺海外市場做嘢,現實係中國資金不足,不斷外流,而貿易戰下,但唔會有資金流入嚟,所以 人民幣 一係喺海外被人沽爆廠,一係喺利率市場被人狂扯息,然後果啲用離岸人民幣做基礎嘅債仔就一夜間食砒霜食死咗。如果依家中國唔諗計解決現時嘅資金問題,我相信今年中共國慶後,就會好戲連環爆,屆時 人民幣 隨時同其他新興國家貨幣一樣都變成咗廢紙。

有件事大家可以注意,依家中國政府要海航沽走德意志銀行(Deutsche Bank)嘅股份,我相信唔係應德國政府要求,而係中國真係唔夠錢,根本唔可以再死撐揸住德意志銀行集團股份,搞得唔好隨時係賤價沽,依家睇係美資財團買落嚟,定德國政府買落嚟,特別依家Postbank被吸收後,由於太多人用緊Postbank,由大公司如Deutsche Bahn到一般前東德收緊退休金嘅老人都有,德國政府可以用公眾利益為理由收購德意志銀行股份。總之 人民幣 離岸拆息一夜扯高,係一件唔簡單嘅事。

One thought on “人民幣 離岸拆息一夜扯高

  1. 這情況出現如我上次同你分析, 7.0算這個位他會守住, 再不是的下個會是7.3.如果這兩個位守不了, 再也不會有7.5, 7.6這些位而會直試1:1或1:1.5即1美元對10元人仔都可以, 因人們會對人仔完全崩潰. 所以現在在第一個支持位他老虎蟹都要頂. 這是第一條防線. 因事實上沒有太多防線可比他頂, 當然所謂人民幣匯價其實只是政權操控的一件東西, 如以前的外匯卷及現在某國的石油幣, 他大可以換過另外一種貨幣再玩過. 這是極權政府的好處, 如現在的加入”逆周期因子”去算匯價? 即是無端端在公式里加入自己心情隨意喜歡的項, 或加或減, 毫無道理及經濟學公式的規範可言. 總之他說可以便可以.

    不過現在用埋HK的外匯儲備去頂, 這才是大問題! 一些港豬以為事不關己, 喜歡去日本及外國旅遊的香港人, 第日就會像國內的情況, 用外匯管制限制了你們的旅行次數. 每人每年只可有一定數額, 你想去銀行替換外幣去外國, 要登記先到外管局批到時侯去銀行又說無貨. 网上有試過成間咁大銀行無一張100美元現鈔的事. 叫港人到外國用人仔啦? 看人家收不收你? 到香港的外匯乾涸就會出現這情況, 連找張外國銀紙都無, 些外幣是留番比高官及國企去消費的. 蟻民無權擁有外匯.

發表迴響

你的電子郵件位址並不會被公開。 必要欄位標記為 *