Google Titan-min

Google Titan 係中國製造嘅話我都係繼續賣 Yubico

喺 Google Titan 推出後,我一直都觀望 Google Titan 嘅發展,如果佢係可靠,我就唔賣 Yubico 2FA Keys,因為 Yubico 同我其他產品有啲九唔搭八。但有報導指 Google Titan 係中國製造後,我決定繼續賣 Yubico 。

Google Titan 中國製造商信唔過

首先,我個shop有明確政策,中國製造產品除非有十足理由,否則唔賣,我係堅持賣歐洲貨,所以我至推 Yubico ,因為Yubico 係美國同瑞典製造,大家至少信美國同歐盟國家先。另一方面,如果電子類產品,有更容易同方便嘅方法去買,我呢度寧願唔賣,節省我嘅管理功夫。但依家 Google Titan 應係中國 Fetian 做,即係 Yubico 呢個替代品我必須賣落去。

而點解我唔信 Google Titan ,Google聲稱所有涉及運算嘅firmware軟件係會生產果陣鎖入晶片,所以唔關Fetian事,我完全唔信,你覺得Fetian唔會千方百計破解晶片,Google依家班友有無咁天真?所以 Google Titan 對一般人啱唔啱用,你們自己決定,但對於政治上高度敏感嘅香港人, Google Titan 係中國製造,無論產品安全以至可靠度都令人不安,所以作為可能少數仲將2FA認證金鑰賣去香港嘅公司,我會繼續賣 Yubico ,除非 Google Titan 改由第二個國家製造,我至會改變我嘅銷售政策,呢項產品賺錢唔多,主要係推廣同確保我嘅讀者或香港有志政治嘅人嘅資訊安全。

我諗喺個shop賣嘅嘢果陣,我當然會考慮會有無錢賺,但除咗賺錢,我賣每樣產品都有自己嘅政治思考,畢竟我呢間shop係同呢度分享同一個主domain,好似Yubico,我係推廣硬件2FA,雖然我發現民主派喺呢方面意識極差,完全唔記得自己住緊一個極權國家嘅殖民地。用手機做2FA,無論SMS定App都係應免則免,銀行以往用獨立硬件2FA其實係啱,雖然大部分係中國製造都未免太過可怕,呢方面都係堅持要歐美製造好。

發表迴響

你的電子郵件位址並不會被公開。 必要欄位標記為 *