南海-皇家海軍-min

皇家海軍與解放軍 南海 對峙

好多人以為英國果份香港半年報告係得把口,但如果你今日睇埋皇家海軍故意放料俾路透社,指英中兩軍曾經喺西沙群島對峙,就另一回事, 南海 嘅控制權問題,同香港嘅控制權問題係有密切關連,依家中國唔理國際條約亂吞香港有原因。

英中 南海 之爭必涉香港爭奪戰

雖然件事喺8月31日發生,但雙方一直保持緘默,直至外交大臣向國會提交咗香港半年報告後,路透社就收到料話皇家海軍同解放軍曾經喺 南海 對峙,呢次係有明顯戰略部署嘅安排,北京急急回應香港半年報告,FCO嘅Facebook即有香港半年報告中英文版都係刻意安排,其實潛台詞好簡單,就係 南海 自由航行權問題同香港係直接相關,香港係 南海 爭奪戰嘅一部分,英國係用一場軍事行動話俾中國聽佢地嘅意圖。

點解香港同 南海 有關,其實應該睇一睇對峙地點同香港嘅位置關係

南海-西沙群島-min
南海-西沙群島-min

西沙群島係越南來往台灣、日本嘅戰略航道之上,兵家必爭,如果由得中國嘅九段線聲稱得米,實際上會令南海航道自由權利有問題,但問題係,西沙齋靠越南係守唔到,而台灣同日本都係鞭長莫及,一定要越南同台灣之間有一個盟國協守先得,而英國重返香港,係令 南海 安全得到安全嘅保證,特別係新、馬、越同台、日嘅自由往來,所以香港爭奪戰係戰略上嘅必然,因為香港戰略位置無可取代,香港人唔識軍事梗係唔知點解,但識軍事就知點解,亦會明白點解英國係另發一本護照俾香港人,而唔係用英國海外公民(BOC)呢個身份,唔知軍事嘅人,咪俾啲五毛老昆。

所以香港人唔好妄自菲薄,一定要爭取美國支持香港,因為美國越支持香港,越明白香港喺美國守住嘅東面島鏈嘅嘅重要性,負責南面島鏈嘅國家,即係英澳紐新馬五國聯防,越會喺 南海 問題上真係做嘢,香港人越唔駛怕,所以點解啲人要抹黑BNo,依家你明白中共喺戰略上諗乜,當然英國如果未有準備動武,我梗係唔講咁多,但依家既然 南海 咁玩法,就另一種情況喇。當然大家亦要留意,中國可能對香港人十分殘暴,一如德國人喺諾曼第登陸後,點殘暴對待協助盟軍嘅荷蘭人,即係禁止食物運入荷蘭嘅冬季饑荒(Hongerwinter),大石英司《香港獨立戰爭》嘅戰略構想,某程度上參考Hongerwinter嘅情景,中共都玩開呢類仆街嘢。

一個大時代,似乎越嚟越近。

發表迴響

你的電子郵件位址並不會被公開。 必要欄位標記為 *