北京大學-假貨-min

北京大學 幾時兼職做假貨垃圾廣告

眾所周知,我憎Google Adsense上嘅垃圾廣告去到一個點,幾乎大部分中國Google廣告代理嘅戶口都被我ban晒,但你以為ban晒可以解決問題,錯喇,真係沒有最膠,只有更膠, 北京大學 深圳研究院都學人出呢啲垃圾廣告,都真係令人無言。

北京大學 兼營假貨?

大家先睇以下被我ban咗嘅Adsense廣告單元

北京大學-假貨-min
北京大學-假貨-min

一個典型嘅Adsense假貨廣告,右手邊顯示嘅Adword戶口,一般係廈門中資源、武漢颶風無限、濟南搜索在線呢幾間仆街公司,但今次我都以為自己眼花,竟然係北京大學深圳研究院,證明呢啲假貨廣告,並唔係一般呃人錢嘅行為,而係中國政府用嚟燒人inventory嘅惡性行為,所以我係ban咗廣告先講,連埋個廣告戶口都一併ban埋,因為呢種情況,實在太離譜。

但 北京大學 深圳研究院出垃圾廣告離譜,入到果個website仲離譜,一個求其用Wordpress起嘅website,但求其用wordpress起都算,最大鑊係呢個警告字眼,係連Chrome都懷疑呢個website目的,根本係偷人個人資料

北京大學-假貨-1-min
北京大學-假貨-1-min

當呢種website都起得出果陣,我相信中國政府窮到以做賊為業,呢類釣魚廣告只會有增無減,一方面要燒走異見人士嘅財政收入,因為好多呢類廣告只會係invalid click嘅收場,亦唔會有人click,另一方面,有可能有人要偷資料,特別信用卡資料嚟搵銀,真係沒有最黐線,只有更黐線。

支爆持續發生果陣,好多奇奇怪怪嘅事會發生,呢啲喺Adsense出現嘅黐線廣告,只係其中一個,當中國越嚟越無視國際規則,呢啲怪事就越多,所以我未完全可以靠會員制同零售收入維持呢度運作果陣,我都要花時間去掃蕩呢啲中國垃圾,其實中國已經搞到本來e-commerce可以帶俾人類嘅美好變惡化,由ebay到物流到Adsense,都可以被呢班中國人玩到爛晒,呢個都應該係我們呢代人面對最悲哀嘅現實之一。

發表迴響

你的電子郵件位址並不會被公開。 必要欄位標記為 *