関西空港-min-打風

関西空港 危機下嘅中國式心理變態

関西空港 危機,例牌見到一堆香港人雞手鴨腳,有部分去到我鄙視嘅水平,但中共更核突,搵旅遊巴送人出市區,乘機喺度搞統戰,成堆五毛黨慶幸「中國人走先」,心理變態之嚴重,真係十分之惡頂,做份內事都要講到係恩賜咁,簡直係心理變態之霸。

関西空港 危機反映嘅中國式變態

関西空港 危機中國有啲咁嘅反應,呢個好明顯係因為311之役有關,311真係人命關天果隻,香港政府同中國政府表現膠到極點,當時英國政府安排國泰包機撤退啲人返香港,香港政府至核突到包同一班機俾香港特區護照持有人離開,所以中共以為做份內事就係統戰好機會,做到over晒,咪咁嘅結果,記住,呢次 関西空港 危機,中國都安排包機走人,只不過係租咗幾架巴士。

其實 関西空港 危機下,安排巴士走人呢個做法,都係罔顧安全嘅做法,因為 関西空港 條橋損毀程度不明,斷得橋都唔慌有好嘢,你依家只不過安排旅遊巴撤退,呢啲係賭博嚟,我唔明點解有香港人懵盛盛敢坐,真係有乜事跌落海都咪話唔驚嚇。正確而安排嘅做法,其實一係等,一係中國使館把炮,係安排啲旅客上前往神戶機場嘅快速船。如果唔係有大批乘客要撤退膽搏膽, 関西空港 嘅連接橋根本唔應該用,因為真係風險不明。

只不過,最大問題都唔係安全唔安全咁簡單,而係心態,311果次,我由東京到香港,大肆批評中國嘅救難,叫大家盡量用BNO,理由好簡單,果鋪唔只地震,係核災難,核災難喺戰略同戰術上考慮,最應該做係走,除咗走,無其他事應該做,但就算走,其實旅客都係有能力透過自行規劃行程撤退,戰略或戰術,唔係只用於打仗或做生意,危難時求生都係必要,一個有戰術執行水平嘅人,係大鑊如311都可以順利離開,唔駛滯留,但如果你無戰術水平,咪呢啲事上乜嘢都要依靠使館,依家中國人對有使館救沾沾自喜,其實只不過反映一個國家國民果種低能,老實講,311果次英國政府都係主動打俾我,我都無要英國政府安排我離開東京事宜,反而英國政府因我可能受輻射影響,特別海外開NHS File,呢啲無騷做跟進功夫,中國一定唔會做,呢啲嘢,英國都無大鑼大鼓講。

有時大國崛起變成大國勃起,呢啲係腦嘅問題。

One thought on “関西空港 危機下嘅中國式心理變態

發表迴響

你的電子郵件位址並不會被公開。 必要欄位標記為 *