aiohttp-min

aiohttp 偷資料賊:面斥不雅

我好少喺香港時間日間時段鬧果啲偷資料賊,只不過,有一啲中國嚟嘅Google App Engine偷資料賊,係去到我忍無可忍地步,我決定郁手,由依家起,用 aiohttp 嘅粉腸一律會ban,面斥不雅。

aiohttp 嘅用家上嚟做乜

點解我會特別對使用 aiohttp 嘅用家採取行動,因為我一用Google搵資料,就發現都係中國人研究攞嚟將人地網站資料成個攞走,據聞有收錢嘅電子剪報公司,不問自取偷人資料無俾版稅,呢種行為我留意咗一段時間,而最仆街係,呢啲bot係無話自己係乜公司,乜背景,全部隱藏喺Google Cloud主機下,我真係唔知呢個係咪俾啲五毛做指揮中心用,所以為安全起見,我唯有ban晒啲 aiohttp 偷資料賊,我都呼籲各位webmaster,對用 aiohttp 嘅友仔唔駛客氣,因為係賊嘅機會十分之大。

如果你有bot,或者你做功課,需要用bot攞呢度資料,唔該正式嚟email到[email protected],詳細列明你個Project做乜,你嘅真名,你所屬機構,你會用乜嘢IP,個bot會攞乜嘢資料,如果係公司,外國大部分公司都會講明自己屬於邊間公司嘅機構嘅bot,唔講明自己係乜機構果啲一律當賊辦,呢個就要怪有部分公司,以及五毛做爛晒啲規矩,其實你願意講明,同埋肯俾少量費用,只要你唔係幫中聯辦做嘢,我唔介意你嚟個bot,但都係果句,唔好連基本表明身份呢家嘢都唔做,咁唯有我要block人至得。

除咗 aiohttp ,另一個被我ban晒,做類似角色,係Go-http-client,又係啲bot大量攞資料但來意不明,又係收埋自己喺DigitalOcean或Google Cloud或AWS啲機度,咁我只能假定呢啲機係賊,所以我已經ban晒,我諗香港做webmaster都應該睇吓access.log出現過乜嘢人同IP,有啲友仔你主動趕佢地出去,其實你會安心好多,至少少咗好多invalid click先。

發表迴響

你的電子郵件位址並不會被公開。 必要欄位標記為 *