金融風暴 2.0-min

金融風暴 2.0 爆發

我今日至叫大家小心加息要沽樓,今日話口未完,就真係 金融風暴 2.0 爆發,印尼盾、盧比、盧布、土耳其里拉等個個喺度跌,股市大瀉,依家人民幣死守,但由於今次中招都係啲一帶一路國家,所以中國好難獨善而身。

金融風暴 2.0 與支爆

金融風暴 2.0 今次爆呢堆國家都有一個特色,除咗印度,大部分都係同中國有關,唔係中國嘅盟友,好似阿根廷、土耳其,就係一帶一路拉攏嘅國家,好似俄國,菲律賓同印尼,而且呢次中國好難獨善其身,喺1997年果陣,中國可以獨善其身(但唔係救香港,1997年果次係曾蔭權爵士、許仕仁、任志剛三劍俠出手),因為當時中國係世界工廠,係南韓、印尼等國嘅競爭對手,果次中國只係奉行悶聲發大財政策嘅花生友,但呢次唔係,阿根廷同中國有貨幣互換協議,土耳其、菲律賓直頭收中國水,俄國同中國係結盟關係,印尼近年個政府十分之親中,所以呢次 金融風暴 2.0 一爆發,最終實係燒返到中國度,中國要玩乜嘢大國崛起,你估做大國唔駛俾代價㗎?

依家支爆緊, 金融風暴 2.0 係梗㗎喇,而且周圍國家嘅貨幣爆成咁,利息被挾高係肯定,因為你沽美金保住自己貨幣都要問人借彈藥㗎,依家俄佬、印尼佬、印度佬、土耳其佬個個都設法自保,錢從何來?你估美金真係印到出嚟,話有就有,所以全球股市係咁跌係正路,而果啲好容易受利率影響嘅資產,例如孭重債公司嘅股票呀,好似的士牌、小巴牌、豪宅等涉及大量按揭嘅資產先被人沽爆倉,跟住陸續有嚟,香港喺金融風暴 1.0 爆發後一年就因為董建華嘅八萬五論而成為最後一根稻草,跟住就負資產,依家應該停咗土地大辯論,否則就會變成土地大便論,呢個爛gag一啲都唔好玩。

同埋一樣嘢,唔好旨意有量化寬鬆,金融風暴 1.0適值科網興起,同埋中招都係美國盟國,量化寬鬆係合理,金融海嘯係歐美出事,美國實量化寬鬆,但 金融風暴 2.0 係中國同俄國兩個仇家出事,美國睬你都傻,量化寬鬆唔可能出現,美國收番量化寬鬆嘅熱錢自用可能係真,仲未計避險資金流向日本、歐盟同美國,所以自己執生喇。

發表迴響

你的電子郵件位址並不會被公開。 必要欄位標記為 *