成龍-大灣區-min

成龍 已經KO咗大灣區同林鄭月娥

成龍 係燈神,相信大家唔會否認,佢代言親啲嘢都非死即傷,無個有好下場,但似乎唔信邪嘅人都唔少,包括林鄭月娥在內, 成龍 就大灣區提意見,見林鄭月娥交意見書,林鄭月娥竟然願意同 成龍 合照,真係一次過KO咗大灣區同埋林鄭月娥。

成龍 有的是燈力

成龍 代言產品嘅燈力,大家領教過,連海航都半死不活,其實大家應該對 成龍 敬而遠之,不單呢個人形象唔好,香港人憎到佢入骨,而且腳頭又差,我都唔明點解政府或一啲Marketer硬係要搵 成龍 代言,依家林鄭月娥如果真係想大灣區係咁先,不如委任 成龍 做大灣區大使,拍一輯政府廣告正式由 成龍 代言大灣區,大灣區係中國南部嘅北韓,屆時大家就會對大灣區無興趣,尤其是啲地皮,大家都知 成龍 有幾邪至得,如果嫌 成龍 燈力唔夠勁,大可以恭請燒山為 大灣區美言幾句,只要有燒山對大灣區嘅加持,應該好快大家都唔駛再聽大灣區啲口號,因為有香港兩大燈神代言都非死即傷,當然香港仲有好多燈神可以加入去,正所謂香港無嘢多,燈神最多,十個阿拉丁都招咪唔到咁多燈神,簡直係滿天神佛。

其實演藝界中人對大灣區異常有興趣,一方面表忠,另一方面,呢班連支爆果頭近都唔知嘅擦鞋仔,其實想乘機睇吓有無地皮可以瓜分賺下錢,大灣區成個理念,除咗係政治上吞併香港,仲要係一個地產昆水局,為廣東省政府籌措財政經費,當然中招梗係香港人同澳門人,甚至部分中國人,如果唔係點解梁振英咁積極,梁振英對搵銀果種無恥同積極,都堪稱為一代香港人辦。只不過,成龍唔記得咗,佢自己根本燈力太強,佢代言親啲嘢,好多都係執笠,仲要 成龍 依家基本上,係其中一個香港版Harvey Weinstein,另一個同 成龍 一齊向林鄭月娥提意見嘅仆街,都係香港版 Harvey Weinstein,成單嘢唔臭過屎坑就出奇。

日後呢,如果有西方國家嘅人,問點解香港人咁憎 成龍 ,只要提 Harvey Weinstein 呢個人嘅名,你話 成龍 係佢嘅香港人,西方人自然對 成龍 呢個人另眼相看,Harvey Weinstein都要消失,更何況 成龍。

發表迴響

你的電子郵件位址並不會被公開。 必要欄位標記為 *