一地兩檢-割地-min

一地兩檢 衰過德奧合併

高鐵 一地兩檢 割地儀式,喺9月4日靜雞雞舉行,真係污糟到一個點,證明呢個合併幾唔得人心,德奧合併,德國軍隊揮軍入侵奧地利,幫奧地利納粹黨搞政變果陣,都睇落有大批人歡迎兩國合併(雖然根本係荒謬),但中國作賊心虛到根本唔敢大鑼大鼓咁做。

一地兩檢 根本違反國際條約

希特拉係一件真仆街,所以佢根本唔在乎撕毀凡爾賽和約,以至好多德國有簽嘅國際條約,但中國係一個虛偽小人,又要走國際條約數,但又唔敢明走,因為仲要利用聯合國、WTO等個朵做仆街嘢,所以就用埋啲小偷嘅方法做仆街嘢,好似話中英聯合聲明係歷史文件(任何和約都可以係歷史文件,不過仍然有效,無話可以因此無效),跟住 一地兩檢 ,就係深夜兩個賣港官員係咁一手交一手搞掂,真係日本帝國扶植滿洲帝國,以及吞併大韓帝國嘅做法,都未到核突成咁,雖然好明顯,二次大戰果陣日本帝國嘅最好學生,就係中華人民共和國呢個仆街政權,日本啲所謂右翼分子真係認真唔入流,佢地應該宣布加入中國共產黨會似樣啲。

當然,呢個搞地新版九龍城寨出嚟嘅 一地兩檢 ,連好似九龍城寨有國際條約嘅基礎都無,所以我認為,佢同九龍城寨唔同,始終九龍城寨係大清帝國政府同聯合王國政府傾出嚟類似領事館嘅產物,有國際法基礎,而九龍城寨理論上,到依家都係無主之地,因為大清帝國一早不存在,而大清帝國繼承者中華民國明顯已經放棄該土地,日後如果香港歸英或獨立,果度係會搞出硬膠出嚟。但 一地兩檢 ,以及中華人民共和國喺1997年擅改香港界址都係無基礎,純屬單方面非法行為,所以 一地兩檢 唔光彩係正常,日後有革命,香港人民如果以攻佔高鐵西九龍站同中聯辦辦公大樓為目標,我覺得係十分之正常,因為果兩個地方正正代表香港係中國殖民地嘅不公義,中國自己為一己之私,好學唔學學日本帝國主義啲衰嘢,日後比日本帝國主義更唔得人心係正常,日本帝國主義係仆街,但好歹滿洲帝國都係好多方面比中華民國睇落嚟得先進,中華民國搞殖民,中華人民共和國搞殖民都係搞出屎出嚟,衰嘅程度只有比利時國王喺剛果嘅作為可比。

One thought on “一地兩檢 衰過德奧合併

發表迴響

你的電子郵件位址並不會被公開。 必要欄位標記為 *