英國加息-min

加息 周期開始,大家等樓市爆鑊甘

華僑永亨銀行狼到連儲蓄戶口都 加息 ,呢種手法我真係咁耐以嚟第一次見。好多我叫樓迷嘅香港人,仲以為中國人會掃樓,樓市只係調整吓,呢啲人簡直係自我催眠到黐咗線,依家支爆緊,你依家唔沽咗層樓就真係我留名睇等你跳海。

加息 周期開始出乜事

如果依家無貿易戰,仍然有大量現金持續穩定經香港流人中國,中國人係會跌咗一成後即掃樓,因為唔會加息,有平貨執點解唔執,但依家唔係呢種狀態,貿易戰下,無資金經香港流入中國,中國嘅資金流出就有,香港嘅資金池開始緊張,華僑永亨係南洋銀行,新加坡人怕死聞名,特別無政府支持嘅公司,佢地係比我怕死十倍以上,所以佢地係不擇手段要盡量將資金吸到手,所以連儲蓄戶口都 加息 ,當P都加果陣,你覺得有人夠膽做樓按,唔怕捱貴息兼負資產,兼無嘢做,以往仲有一堆中國人會唔駛按揭買樓,依家佢地都無錢,落嚟買條毛咩。所以華僑永亨銀行果個根本係樓市凶鈴嚟,第一城同黃埔花園嘅實力盤開始冧,跟住無咁高質嘅盤會開始冧,只要貿易戰再惡化,或利率出現急劇變動就大崩潰收場,其實依家件事嘅發展已經好明顯,當然我唔排除部分網上樓迷係五毛,地產經紀,或者搵緊水魚沽樓果啲仆街。

加息 周期依家明顯開始,所以大家要按自己需要開始行動,如果等到樓市大瀉再行動就喊得一句句,當然如果你層樓供完咗,你又唔諗住走嘅,咁唔駛一定要賣樓,因為無謂因數字上損失而打亂自己嘅生活,但依家供緊樓果啲,你一定要計清楚,假設加息2厘嘅情況下,你每月供幾多,同供唔供得掂,同埋會唔會有負資產風險,如果答案係明顯嘅,依家就要諗後路並沽出樓盤,贖樓走人,而唔係等到人人爭相走避果陣至走人,果陣成棚人塞住喺防煙門度,你覺得你仲有逃生機會?依家供緊樓嘅樓,係依家就要為自己計數,唔係等出事先計數,因為依家可能已經開始難賣樓,你仲要計樓市跌幾多你係承受到,因為如果你要抬錢至離到場,即係你依家處境十分之大鑊,你諗吓如果再負資產果陣點算,明知前路危險,就唔會聽啲死經紀亂講嘢。

發表迴響

你的電子郵件位址並不會被公開。 必要欄位標記為 *