高鐵西九站B5層

高鐵西九站B5層 :洗頭中心同黑金中心

根據蘋果日報掌握嘅 高鐵西九站B5層 嘅藍圖,原來有成30000呎樓面,表面上係機房,但依家係膠到土共都唔知 高鐵西九站B5層 嘅存在,而 高鐵西九站B5層 嘅司法管轄權喺香港度,但出入必須經過已屬中國領土嘅 高鐵西九站月台層,呢件事好唔妥。

高鐵西九站B5層 變黑金中心

首先,我十分之懷疑呢個奇特嘅安排,係俾某啲中共官員洗黑錢用,即係佢係一個黑金中心,中共高官可以將現鈔透過月台層運入呢個神秘嘅 高鐵西九站B5層 ,但由於呢層司法管轄權仍然喺香港手上,中紀委官員根本無法可以有足夠依據沒收收藏喺呢層嘅錢,所以呢個 高鐵西九站B5層 出入係一定要經中國批准,但又唔可以連同月台層一併割俾中國就係咁解,因為要收藏黑錢,司法管轄權就唔可以喺中國手上。但正常香港人,係無法透過月台層知道發生緊乜事,所以中國高官可以喺果度好放心收藏犯罪收益,甚至攞嚟犯毒都得。

而我怕 高鐵西九站B5層 更大問題係,可以俾個別人士喺果度殺人而唔駛填命,因為香港無死刑,但中國有死刑,如果中國要消滅或異見,日後唔駛遭到死刑清算,梗係捉咗入西九月台層,然後再運作神秘嘅 B5層 密室搞掂佢,但香港執法當局難搜證,搜到證個司法管轄權都喺香港度,唔通真係要引用張子強案嘅案例,搞到香港案件用中國法院審理並槍斃埋,理論上可以咁做,但實務操作上好有難度,綁架案仲話有肉參喺中國作證,令張子強得以檢控,謀殺案嘅證據就另外一樣嘢,中國捉咗人都未必有辦法郁佢。所以呢個 高鐵西九站B5層 簡直係香港恐怖版消失的密室,我唔信果個地方只係機房,我睇果層係乜嘢怪事都會發生嘅三不管地帶,仲衰過依家割咗俾中國嘅月台層地區,呢一層係三不管中嘅三不管,甚至石崗車廠都可能有類似安排都唔出奇。

我覺得中國有必要歸還高鐵西九站內一切佔用嘅土地,件事去到令人不安嘅地步,除咗有陰謀,我諗唔到一個連土共立法會議員都唔知呢層發生緊乜事嘅理由,如果唔歸還,我真係怕相關嘅貪官污吏最終全部被活埋,真係永不超生就好。

One thought on “高鐵西九站B5層 :洗頭中心同黑金中心

發表迴響

你的電子郵件位址並不會被公開。 必要欄位標記為 *