香港民族黨-min

民族黨 申述期限不如延長到11月2日算

保安局局長李家超喺 民族黨 非法組織申述期限單嘢越嚟越好笑,雖然警方收晒柯打,要堅持將 民族黨 列入非法組織,但保安局局長李家超第三度延長申述期限到9月14日,其實不如照陳浩天原申請嘅期限10月2日,甚至長到11月2日算吧,到時再睇形勢點搞。

民族黨 事件無人識收科

如果無上海 民族黨 出現,如果無支爆危機,我諗 民族黨 所謂申述機會只係用嚟做樣,然後快刀斬亂麻算數,但依家中國形勢越嚟越混亂,如果有朝一日要用到 民族黨 嘅招牌做嘢點算,梁振英係一個痛恨香港嘅變態佬,佢只不過想毀滅香港陪葬,但李家超係一個正常嘅擦鞋仔,依家佢做乜決定都會死得人多,既然係咁,不如一路拖到局勢明朗為止,所以韓正點講都好,李家超最後都係拖落去,因為局勢根本唔明確,太早落注太危險,甚至警方嘅所謂新證據都係一方面迎合北京口味,一方面繼續拖落去嘅一個藉口嚟,因為李家超唔會係最後做決定果個,甚至林鄭月娥都唔係,而係北京另有高人指引,叫班友唔好亂嚟。

土共同梁振英係昧於形勢,當范冰冰都可以流亡美國果陣,中共權鬥玩到點真係阿水知,依家一動不如一靜,根本喺貿易戰大形勢下就係悶聲大發財,搵銀至上,唔好搞屎搞尿,但梁振英同一眾土共就係要搞政治,依家係未有藉口清理梁振英為首嘅土共集團,如果梁振英下場慘過薄熙來我係唔意外,梁振英比薄熙來更不擇手段,但薄熙來好歹係薄一波嘅仔,係中共元老之後,但梁振英係乜水,佢係山東威海衛山東差嘅後人,理論上,呢啲為英帝國主義勢力服務嘅人嘅後代,根本係黑五類,中共唔應該重用,董建華係國民黨要人嘅後代,中共一樣應該只能當黑五類不能用,係陰差陽錯之下,佢地同本名藍蘋嘅江青一樣,只能靠極左至能夠擺脫黑五類嘅出身,喺中共得以掌權。

民族黨 事件可以點收科,其實依家洗濕咗個頭,都無人識收科㗎喇,喺呢個大時代,有乜好做,煮到嚟就食,靜觀其變就係,至於陳浩天,有人無喇喇綁佢上戰車都無計,只不過,佢都只能陪住一齊睇中國形勢拖落去,佢都係大時代洪流嘅一粒卒。

發表迴響

你的電子郵件位址並不會被公開。 必要欄位標記為 *