高鐵出軌-min-高鐵

高鐵 邊防人員點解要香港出飯盒錢

高鐵 喺香港真係鑊鑊新鮮,鑊鑊甘,依家有話 高鐵 邊防人員嘅飯盒都係港鐵出,每人每日一百蚊,我真係唔知乜嘢飯盒要一百蚊一盒,仲要包三餐都係明顯食唔晒,好明顯有人會將飯盒運返中國,俾中國啲人享用,呢件事有影響。

高鐵 與支爆

正路嚟講, 高鐵 邊防人員都係黨嘅槍嘅一部分,錢應該由黨出,貫徹黨指揮槍,但依家飯盒要香港人出,即係中國根本依家開始無錢,呢啲小便宜都貪,所以解放軍駐港部隊問番香港攞錢,只不過係遲早問題,如果解放軍駐港部隊由香港人出錢,係唔係特首應該恢復香港三軍總司令嘅身份,以前香港總督係身兼駐港英軍嘅三軍總司令,呢個問題我相信去到黨指揮槍嘅層次,如果中國仲有少少錢,應該會死撐,但如果根本撐唔落去,港鐵一舊水飯盒佢地會堅持要港鐵出,即係支爆都應該好嚴重吓,影響中國嘅公共財政,否則唔會有出居住証呢家嘢,然後要啲盛懵懵香港人落入中國全球稅網,記住香港同中國都入咗Common Report Standard(共同匯報標準),啲稅無得走。

喺以往,英軍係香港政府出軍費,但警隊政治部係英國政府出糧,視英國公務員處理,簡單嚟講,係當軍情五處編制嘅人,因為駐港英軍係效忠香港總督,實際係效忠香港,甚至請番唔少香港人自行防衛,所以錢係香港政府出,但警隊政治部係效忠倫敦,所以人事編制到財政都係直接計入倫敦嘅數,解放軍駐港部隊係由中國政府出錢,理由相類。所以,如果中國高鐵嘅邊防人員係港鐵出一舊水飯盒,點解要一地兩檢,點解要中國派人入嚟做,由中央人民政府授權香港特區政府代理中國邊防事宜咪得囉,一如依家香港入境處簽發特區護照,甚至執行《中國國籍法》中歸化中國公民嘅條文,都係中國政府授權香港特區政府行事,其實成個一地兩檢割讓土地,都係一個昆錢騙局,仲要昆香港人嘅飯盒同土地使用權利,簡直係強盜行為嚟,我真係越諗越唔妥,成件事果然係一個老千局嚟。

都係果句,要港鐵出飯盒呀,取消一地兩檢算吧,邊防由香港全權負責,人大常委只要授權港方人員即可,你北京唔係唔信香港入境處同海關唔夠愛國愛黨嘛。

One thought on “高鐵 邊防人員點解要香港出飯盒錢

發表迴響

你的電子郵件位址並不會被公開。 必要欄位標記為 *