習豬頭-min

習豬頭 還不如江蛤蟆

我其實唔明點解香港人會用WeChat,海南省有人用WeChat鬧習近平係 習豬頭 ,就被人行政扣留十日。如果日後WeChat一定要持港澳居民居住証先用得,跟住被人跨省追捕,然後送上洗頭艇再之後失蹤,我唔會感到意外,用 WeChat 果條友一定係傻。

習豬頭 不如江蛤蟆

江澤民年代都因為江澤民樣衰,被網民醜化過,佢外號係蛤蟆,大家聽過癩蛤蟆想食天鵝肉之名,都可以諗到係形容得樣衰,都係仆街,微信刪文,但江澤民都仲有少少幽默感,同埋顧及喺西方傳媒嘅形象,所以唔會行政拘留十日,依家習近平一聽到有人叫佢 習豬頭 就要鎖人十日,下次係唔係玩文革講毛澤東壞話要批鬥,甚至攞埋去再教育營,甚至係槍斃。呢啲唔準講當朝領導人花名嘅做法,係不折不扣嘅納粹作風,以前啲人對希特拉不敬係立即被槍斃,呢啲就係靠個人崇拜嚟維持權力嘅友仔鍾意玩嘅嘢,所以 習豬頭 都被人行政拘留,呢個絕對係一個不祥之兆,明顯反映中國有人以為可以搞軍國主義,或者納粹主義,實現所謂中國夢。

大家要留意一點,其實華人係未有做好去納粹化嘅工作,大家記得中德合作時期,中國國民黨係由德國納粹黨照抄納粹主義,意圖實現中國強大夢,至今遺毒仍然留喺台灣,否則唔會有外省籍人自以為高人一等,而唔少中國五毛,對中德合作時期嘅一切係如癡如醉,而依家習近平果套監視同全盤控制嘅思路,都係某程度上中國式納粹主義嘅發酵嘅結果,所以 習豬頭 加上東突厥嘅再教育營,呢一切一切都係凶兆嚟,中國以為自己經濟搞唔掂,就要學納粹果一套,積極擴軍等等力挽狂瀾。

只不過,納粹德國透過擴張重建經濟嘅時候,希特拉係得到商界支持,甚至納粹黨以一定程度上嘅企業私有化,換取大財團嘅支持,但 習豬頭 唔玩呢套,佢要國企乜嘢都玩晒,係連日本政府嘅財閥政治都不如,而希特拉年代至少有堅實工業基礎去證明可以靠軍事擴張實現全民就業(雖然好短暫),但中國呢?中國重工業根本係垃圾級,我覺得 習豬頭 正係向製造另一次大躍進或文化大革命一類型嘅慘劇進發,之後唔支爆就怪。

發表迴響

你的電子郵件位址並不會被公開。 必要欄位標記為 *