盜墓-min

盜墓 呢家嘢乜嘢人夠膽做?

長沙灣天主教墳場最近發生怪事,就係有人 盜墓 ,主要係偷骨灰龕夫妻合葬位,應該係因為多數有陪葬品之故。正常嚟講,唔會有人 盜墓 ,特別喺香港呢啲大迷信城市。依家玩到 盜墓 ,好明顯係中國嚟嘅賊為求偷到嘢,連骨灰龕都唔放過。

只有無宗教概念國家至搞 盜墓

啲五毛第一時間屈南亞裔人士,呢類五毛我係立即提報種族及宗教歧視,你可以有十萬八千個理由唔滿意南亞裔人,但南亞裔人嘅宗教信念比香港人強,無論印度教定回教都絕不容許 盜墓 呢種行為,所以南亞裔人士機會唔大。而香港人一般都唔會 盜墓 ,香港撈偏嘅多迷信,你叫佢農曆七月夜晚入墳場開墳偷嘢,不如叫佢明搶簡單啲,呢啲會嚇死自己嘅事,一般香港撈偏嘅友仔唔會做,所以最大機會做出 盜墓 行為,正正係中國文革後嘅一代。

中國呢種毫不尊重先人嘅 盜墓 行為,喺去年浙江都發生過,一個上午連挖廿八座墳墓,同長沙灣天主教墳場 盜墓 案十分類似,而且係為求有贓物入手,重量不重質,我已經唔講果啲全世界都知有名嘅盜文物賊,針對文物入手果啲早唔係新聞,依家係文物都偷無可偷,就搵先人嘅墳墓嚟偷,完全當乜嘢因果報應之類民間傳說如無物,香港仲會講吓道家或佛家嘅道理,呢啲嘢一般嘅賊都做唔落手,唔好講入教會墳墓偷嘢咁猖狂。

其實呢種猖狂係中國無宗教搞出嚟,依家中國政府,話知你官方教會定地下教會,十字架一律焚燒,維吾爾人篤信回教,就全部要送再教育營,搞中國式納粹主義,當政府都可以如此不尊重宗教,你叫啲賊去尊重宗教更加唔可能,所以我相信日後分分鐘墳場門口都要整閉路電視,以及要加強保安,基本上夜晚無人再可以出入墳場,以往墳場可以唔駛嚴密保安,因為宗教信念之下,大部分人都唔想 盜墓 而惹上一啲迷信上嘅不安,但依家只會越嚟越多中國嚟嘅盜墓者,呢啲人係一啲善惡因果報應嘅概念都無,佢地偷先人嘅嘢係一啲畏懼都無,只能用閉路電視等現代科技阻止呢啲人。

當一個國家搞到啲人連去墳場偷嘢都唔怕果陣,呢個國家一旦國家政權崩潰會發生乜嘢景象,大家唔難想像到。

One thought on “盜墓 呢家嘢乜嘢人夠膽做?

  1. 不單止香港, 連在印尼海的一,二次大戰被擊沉的英國戰艦 也被偷竊, 引起海外媒體的報導和關注.

發表迴響

你的電子郵件位址並不會被公開。 必要欄位標記為 *