Vivishop.tw-2-min

Vivishop.tw 一類仆街公司幾時執笠?

我呢排都係咁掃啲假廣告同埋bot,因為佢地對我呢度營運構成困擾,而 vivishop.tw 係我最近收到投訴,必須掃蕩相關廣告嘅公司,呢間嘢喺台灣聲譽極差,成日收到啲名不符實嘅爛貨,而台灣政府對佢地無計可施。

vivishop.tw 根本係中國網絡騙子

其實 vivishop.tw 呢間嘢,我們呢啲Adsense Publisher一收到投訴,就知呢班友根本係中國嚟啲賊嚟,大家睇吓呢間所謂台灣公司,用乜嘢Google Ads戶口落廣告先得

Vivishop.tw-2-min
Vivishop.tw-2-min
Vivishop.tw-min
Vivishop.tw-min

所謂濟南搜索在線,同埋鄭州易賽諾,都係同武漢颶風無限一樣,中國Google廣告代理商,呢啲公司代客落廣告果陣,完全唔審查對方背景,仲要用n個Ads戶口落廣告,完全係串謀詐騙行為,我都未計懷疑有中國或台灣IP,涉及invalid click嘅賺錢行為,我相信有部分invaild click根本係Google啲中國代理商自己策劃。所以我二話不說,就封晒 vivishop.tw 所有嘅廣告,因為佢地根本係危害我呢度嘅營運,以及對我嘅讀者不利。大家唔一定去我個shop買嘢,但一定唔好去vivishop.tw呢啲仆街公司買嘢就係。

我肯定會ban晒 vivishop.tw 、濟南搜索在線廣告以及鄭州易賽諾廣告所有相關廣告,因為呢啲公司全部都係唔負責任嘅仆街公司,我都呼籲大家ban咗呢啲公司嘅廣告,免得浪費珍貴嘅inventory,並且助長詐騙行為。

其實現時Google同Yahoo!,最大嘅詐騙廣告來源都係中國,中國政府成日話維護網絡安全,但事實係,中國政府縱容網絡犯罪分子存在,所謂維護網絡安全,只不過係政權維穩工具,呢個亦係我決心要ban中國IP嘅原因,因為中國政府對網絡帶嚟嘅威脅係全方位,而縱容假貨橫行,亦係中國嘅工業注定衰敗,升級唔到嘅原因,除咗出產山寨劣貨,就完全唔識創新同精益求精,呢啲國家永遠都係fail state,而vivishop.tw呢間假台灣公司只不過當中一例。

發表迴響

你的電子郵件位址並不會被公開。 必要欄位標記為 *