聯合國-白腊-min

踢中國出 聯合國 嘅好理由:免被濫用

我一直以嚟都支持踢中國出 聯合國 ,包括安理會常任理事國席位歸還中華民國或其真正後繼者,理由係乜,唔係蔣介石漢賊不兩立嘅理由,而係中國人濫用 聯合國 等名義行騙嘅事件太多,濫用 聯合國 安理會常任理事國席位嘅事件亦太令人髮指,去到影響正常國際商業同政治秩序,唔踢中國出 聯合國 係無法糾正國際秩序。

聯合國 變行騙工具

聯合國 教科文組織,一向都係左膠組織,係美國唔肯俾錢嘅 聯合國 屬下組織(因為俾巴勒斯坦成為正式成員),點都唔可能贊成喺白腊倒水泥起乜嘢和平公園喇,依家中國人係濫用 聯合國 席位,用中國政府名義亂endorse一啲根本唔係教科文組織成員嘅機構,用 聯合國 之名搵銀,而 聯合國 又唔理,結果搞到烏煙瘴氣,呢啲小事已經睇到中國用 聯合國 席位濫用到乜嘢程度,呢啲事,真係得啲failed state至可能會發生,正常國家出現濫用 聯合國 個名嘅情況,仲唔俾人告到甩褲,呢啲真係同濫用國徽國旗牟利完全無分別嘅仆街行為喇。

但中國更大程度上濫用 聯合國 喺安理會常任理事國問題上,對於歐洲人簡直感受良多,如果唔係中國同俄國兩個國家成日濫用安理會嘅否決權,敘利亞點可能搞到咁,跟住搞出一堆難民問題,今日歐洲嘅難民問題罪魁禍首係中俄兩國,其實係應該由中俄兩國政府承擔所有收容難民費用,但得啲左膠對此視而不見,如果 聯合國 安理會一早授權北約出兵搞掂敘利亞個仆街政府,再將敘利亞國界重新作合理劃分,例如俾庫爾德人建國(但條件係庫爾德人必須放棄所有對土耳其境內領土訴求),敘利亞劃分為若干國家,戈蘭高地永久劃歸以色列(當然以色列要有嘢換番俾巴勒斯坦),我估唔會有難民問題咁嚴重。所以中國有 聯合國 席位,簡直係對文明社會嘅一大威脅,甚至情況比德、日兩國當年為入侵各地,放棄國際聯盟席位更差。

甚至我可以咁講,其實 聯合國 都係時候改革,依家被成堆failed state搞到 聯合國 不知所謂,其實依家 聯合國 唔比二次大戰前嘅國際聯盟好太多,維持國際間嘅法治同民主本來唔容易。

2 thoughts on “踢中國出 聯合國 嘅好理由:免被濫用

發表迴響

你的電子郵件位址並不會被公開。 必要欄位標記為 *