學生動源

學生動源 被跟踨事件:趁年青申請政治庇護吧

香港眾志成員去中國被拘留,單嘢本來已經荒謬,但依家 學生動源 嘅成員家屬,唔係成員本身上去中國都可以被拘留,件事就去到真白色恐怖地步。我本來無諗住咁早呼籲啲人尋求政治庇護,但依家我睇法係, 學生動源 嘅成員應該尋求政治庇護。

學生動源 單嘢越過政治庇護紅線

首先,中國國安人員啲作為近日已經係失控,我日日睇住自己個Server Log都幾清楚吓,其實聯合國《難民地位公約》嘅定義好清楚

具有正當理由而畏懼會因為種族、宗教、國籍、特定社會團體的成員身分或政治見解的原因,受到迫害,因而居留在其本國之外,並且不能或,由於其畏懼,不願接受其本國保護的任何人。

有啲被人ban嘅膠人,如果無出現類似 學生動源 或香港眾志非核心成員嘅情況,咁唔該唔好大大聲話自己申請難民,特別同熱普城行得好近果啲,因為有案喺身都唔代表可以申請難民。 學生動源 成員點解可以申請政治庇護,我係基於《蘋果日報》以下部分

學生動源召集人鍾翰林接受查詢時指,該組織一名成員的家屬最近在返回內地時,遭廣東省執法部門人員扣查。該人員透過這名家屬,警告該名成員須停止在港參與政治活動,更表明未來會派執法人員來港接觸該名成員。學生動源指,該名成員因人身安全為由,已退出學生動源。

呢個威嚇十分清楚,係符合聯合國《難民地位公約》嘅條款。因為有理由相信,強力部門會捉走 學生動源 啲人,我想講一樣嘢,如果無李波案,仍然未容易觸及《難民地位公約》嘅紅線,但如果有李波先例在前,就係有正當理由而畏懼受到迫害,而需要居留在其本國之外,並且不能,不願接受其本國保護任何人。

我唔認為保安局嘅否認聲明夠力,因為香港警察本身都係十分之多問題,特別政治部(Special Branch)或類似組織有無復活並接受中共情治部門指揮,呢個十分之令人懷疑,以往英治時期政治部係直屬MI5,並且當MOD員工,由英國政府自己出糧,唔係香港政府出佢地糧,英國政府係借皇家警隊體制賦予呢班友執法權咁解,香港政府咪當人唔識歷史喇,特別好似李家超呢啲當過皇家警察嘅粉人。

香港眾志未必合符條件,但 學生動源 就好清楚。如果無BNO,趁年青好走,唔好作無謂犧牲。

發表迴響

你的電子郵件位址並不會被公開。 必要欄位標記為 *