高鐵-水浸-1-min

高鐵 香港段除咗廢線別無他選

高鐵 香港段越搞越大鑊,香港落紅雨, 高鐵 香港段嘅路軌轉轍器同車輪檢測器(Eurobalise)都浸鬼晒,譚文豪要求 高鐵 唔好通車係合理,除非有人要搞出追撞事件出嚟,邊個要通車,邊個要為日後嘅人命傷亡負上全責。

高鐵 隧道根本唔可以水浸

車廠裡面嘅路軌轉轍器固然唔應該因水而浸壞,咁係好大件事,但我更大嘅著眼點係Eurobalise嘅安全,我半個月前講過,咁樣浸法係令到 Eurobalise 無法攞到準確數據,做唔到一個準確嘅閉塞,係會炒車收場,後果係好嚴重,所以咁前提下, 高鐵 係唔可以通車,我呢個鐵膠半個月前講嘅嘢,今日已經有事發生。依家 高鐵 出現呢種水浸,根本係唔可以接受,更加唔好講 Eurobalise 唔知有無浸壞晒而根本用唔到。所以呢個亦係我話, 高鐵 請我搭都唔會搭嘅原因,因為我知道鐵路工程技術一啲常識,而依家香港 高鐵 嘅狀況係唔應該發生,政府繼續任由事情發生落去,你話你點可能有膽去坐?我相信食咗豹子膽都唔會咁玩。

高鐵 香港段嘅隧道排水同工程品質,遲通車其實係一定要,但我嘅結論係廢線,因為紅雨都可以浸成咁,一旦嚟黑雨會點?香港仲會打颱風,香港唔係未打過十號風球,我都未計中國深圳段隧道如果排水都唔掂,大量積入湧入香港段呢個膠問題,港鐵公司有無提個一個可行嘅方案?我睇唔到囉,依家係北京長官意志當道,係都要強行通車。如果中國真係咁有信心,係應該由習近平自己親自坐一次,第一班車由佢嚟坐以昭公信,一如日本新幹線,日本天皇係會坐,亦係反映各地JR公司對新幹線安全有十足信心,但我睇,唔好話習近平,係張曉明同梁振英兩件仆街都唔敢坐,我覺得要梁振英日日坐 高鐵 出入大灣區都係一個好主意,我真係想知條仆街會唔會有命行番出嚟。

高鐵 香港段廢除,係一個對各方都有利嘅建議,甚至依家嘅情況,由於安全問題,係連用喺直通車都做唔到,只能夠灌漿填咗成條路軌佢,但呢筆錢,應該中國嚟俾,無理由香港人俾,或者用港奸嘅財產支付都係一個方案嚟。

發表迴響

你的電子郵件位址並不會被公開。 必要欄位標記為 *