Trump

Trump 下個禮拜堅罰中國兩千億美金關稅

根據 Fox Business 嘅報導, Trump 打算堅罰中國兩千億美金關稅,即係依家喺海上嘅貨應該全部走唔甩,喺阿根廷經濟一鑊泡果陣,仲要玩啲咁嘅嘢,我睇 Trump 令支爆出現嘅意志係十分之強,今日個市又食瀉藥係正常過正常嘅。

Trump 截斷中國外匯來源

其實 Trump 打貿易戰思路好清晰,就係中國唔肯玩rule based trade嘅遊戲,就截斷中國嘅外匯來源,無論 Trump 要求USPS檢討郵費玩殘淘寶、eBay果啲所謂中國小電商,到依家再罰中國兩千億美金關稅,都係果樣嘢,你習近平堅持玩一帶一路嘛,美國就徹底截斷中國嘅外匯來源,然後中國真係唔支爆都唔得,如果香港商人仲無搬廠嘅覺悟,呢班友除咗係白痴,無其他形容。

截斷資源作為戰爭戰略手段,其實喺二次大戰到國共內戰皆然,二次大戰關鍵位,其實就係截斷日本同德國嘅各類資源供應,跟住日本同德國係咁發癲,最後戰爭失敗收場,長春圍城戰餓死平民,林彪手段梗係人渣到爆,佢後嚟嘅下場都係還債,只不過,圍城切斷供應達致戰爭目標從來如此。只不過依家時代轉咗,喺中國環境高度污染下,中國截斷外匯來源就可以搞到陣腳大亂,之後無論軍事冒險,定係屈服都會係失敗收場,因為呢個係中國資源來源問題。

當然,中國依家肯屈服,喺戰略上一定好過死頂,搞民主,搞rule based trading,死係國有企業,死係共產黨,未必會生靈塗炭,依家軍事冒險,一係挑動第三次世界大戰,屆時全世界唔會對中國留情,一如原爆同德累斯頓大轟炸,唔少人都同意,都係因為當時德日兩國國民係有集體責任,同樣道理,如果中國挑起啲五毛太瘋狂,一如1899年嘅義和拳亂嘅話,我相信就算美國動用核彈解決中國都未必有人反對,當然我相信唔會搞到出動核武呢一步,呢個就係中國人嘅戰略思考,有無當年德國同日本咁愚蠢。德國同日本係蠢到極點,如果中國認為軍國主義同極端沙文主義可以殺出重圍,我相信只係通往地獄。我依家睇中國人點回應 Trump 嘅加碼。

One thought on “Trump 下個禮拜堅罰中國兩千億美金關稅

發表迴響

你的電子郵件位址並不會被公開。 必要欄位標記為 *