Danisa-min

Danisa 印尼曲奇扮丹麥曲奇咪衝嚟膠

藍罐曲奇喺歐洲都唔出名,我覺得正常,因為喺歐洲真係無人故意搵丹麥曲奇嚟食,只不過, Danisa 自己明明係印尼公司嘅印尼曲奇,仲要扮係丹麥呢家嘢,我作為華裔印尼血統嘅人都覺得爆晒機,衝出嚟膠都唔係咁膠。

Danisa 根本係印尼牌子

Danisa 果個商標持有人係Elite Gold Co. Ltd,係一間英屬處女島註冊離岸公司,對大部分人都唔會明呢間公司搞乜,但只要提Elite Gold Co. Ltd持有另一個牌子KOPIKO,印尼華人都知佢係乜,佢係印尼有名嘅咖啡糖,個個印尼華人都多少曾經食過佢,而KOPIKO係Mayora集團旗下牌子, Danisa 同 Royal Choices 都係同一集團旗下,所以佢喺丹麥開咗乜公司搞 Danisa 都好,只要 Danisa 係印尼製造,咁嘅印尼背景,你話係丹麥曲奇,你班友無病嘛,惡人先告狀都唔係咁玩,仲要藍罐曲奇有丹麥皇室授權使用皇室徽號印喺餅罐度,但 Danisa 憑乜證明佢係丹麥嘢。

仲要呢單膠案,其實2014年喺中國打過一次,當時丹麥藍罐曲奇喺北京法庭告 Danisa 喺石景山法院告間嘢嘅不正當競爭行為,石景山法院作出咁嘅陳述

石景山法院認為,根據查明的案件事實,皇冠曲奇產品的「產地」或「原產國或地區」均為印尼,被告尤益嘉公司在報紙及電商網頁的廣告中對皇冠曲奇產品產地為丹麥的宣傳存在虛假成分;被告尤益嘉公司在電商及電視台的廣告中使用歐洲宮廷人物聚會風格的圖片和畫面中配以皇冠曲奇產品圖案,並使用「皇家」、「丹麥皇室御用」、「御制配方」、「皇家御制」等宣傳語,對皇冠曲奇產品質量的宣傳存在虛假成分,構成引人誤解的虛假宣傳不正當競爭行為。

老實講,無人用商品說明條例郁你 Danisa 已經係大命,仲有種告蘋果日報同埋丹麥藍罐曲奇,我完全唔明呢啲乜嘢道理嚟,所以我話呢單係膠案係咁,作為印尼華人,其實好易知道你班友做乜,好心咪學強國啲衰嘢,KOPIKO本身已經係一個大brand,何必因曲奇市場做臭自己個名?

發表迴響

你的電子郵件位址並不會被公開。 必要欄位標記為 *