阿根廷-人民幣-min

阿根廷 爆就連中國都爆埋

阿根廷 無厘頭加息六十厘,去到大耳窿利息,當加息加到大耳窿級果陣,梗係貨幣被人狙擊,央行用非常手段阻止狙擊者獲得彈藥,並且留住資金嘅做法。只不過, 阿根廷 咁爆如果你以為同中國無關,咁就大錯特錯,如果你冷靜咁睇啲過往五毛打飛機,你就知呢鋪中國真係大難臨頭。

阿根廷 同中國有互換儲備協定

中國為咗所謂人民幣走出去,最早同 阿根廷 呢個完全唔識經濟管理嘅國家簽署互換儲備協議,到依家仍然生效,中國俾一筆人民幣入 阿根廷 央行,作為 阿根廷 嘅貨幣基礎,跟住 阿根廷 又俾一筆錢中國人民銀行,呢筆錢變咗中國外匯儲備一部分,呢個協議涉及成百億美金,仲未計中國借俾 阿根廷 啲錢,換言之,中國依家損失可以有成幾十億美金,再加上 阿根廷 借中國啲錢好大機會default,呢鋪真係和味,一個 阿根廷 已經夠輸中國有餘,如果有人借機又沽人民幣係正常,因為依家有明顯訊號,中國喺 阿根廷 損手爛腳,我都未計中國查實喺委內瑞拉輸咗幾多,呢啲錢喺中國睇落好強果陣,仲叫輸得起,依家中國自己自身難保果陣仲要咁輸法,呢鋪唔加速支爆都唔得。而且 阿根廷 呢個國家嘅問題,係唔會短時期內解決,我想問南美洲國家裡面,邊個國家係真係識得管理自己嘅經濟同公共財政至得,更加唔好講整肅貪污。

所以支爆危機只會繼續深化,無論一帶一路定人民幣走出去,都係一堆爛帳嚟,借埋啲錢俾啲failed state,點可能收得番,西方國家仲話可以由得啲錢跌咗佢,中國有鬼條件可以咁跌錢喺啲failed state,更加唔好講好似大馬1MDB案果啲惡劣例子,果啲已經去到有國家串謀當地貪官淘空當地嘅地步,呢種國際犯罪根本應該納入International Criminal Court嘅管轄範圍至啱,簡直係黐線。出得嚟行,預咗要還,依家中國咁搞法,係遲早嚟劑甘,所以你仲以為人民幣救得番,嘥氣喇,成堆依靠中國嘅failed state足夠令中國破產,所以人民幣會再跌落去,中國人民銀行死托爛托,遲早係無彈藥托落去,然後由IFC天台直落地面。

發表迴響

你的電子郵件位址並不會被公開。 必要欄位標記為 *