五毛黨-五毛

幫中國做 五毛 係一定自招滅亡

喺Facebook同Twitter大舉清理俄國同伊朗 五毛 嘅時候,話口未完,Trump已經做嘢,篤爆希拉里嘅電郵Server被中國Hack咗。對於一個熟技術嘅人,梗係租G Suite好過自己起Email Server,貪做保安好玩。但美國呢個態度,亦代表Facebook同Twitter遲早迫住要對付中國嘅 五毛 。

中國 五毛 至係必須對付目標

雖然俄國同伊朗都有 五毛 ,但講 五毛 ,講網絡封鎖,祖師爺其實係中國,所以中國有最多嘅假用戶,以及內容農場機制,如果唔清理中國 五毛 ,西方國家投放幾多精力對付其他國家嘅 五毛 亦無補於事。而Facebook同Twitter依家對緬甸、俄國同伊朗硬起嚟,好大程度上係美國政府要求,呢個係盲都睇到,但呢兩間公司貪戀中國市場,所以至今仍然唔肯對中國用戶採取強硬行動。我相信最終只有美國政府出手,呢兩間公司至肯放棄發進軍中國市場嘅白日夢,對中國以至香港嘅 五毛 採取強硬行動,包括鏟除佢地嘅戶口、Page以及取消啲Content Farm嘅Facebook Instant Article 戶口。

我相信好多中國 五毛 恃住自己IP喺中國,以為堅係無事,首先,西方國家可以一夜間封晒中國啲ip,我都封鬼晒俄、中、澳門啲垃圾IP,如果用西方國家嘅主機,甚至借俄、伊兩國嘅IP搞事,就死得更快。而依家幫中國做 五毛 最危險果啲,應該喺西方國家留學果班蛋散,果啲喺美、德留學仲走去做自帶五果啲,應該好快被西方國家趕出去,話你一項非法打工,或從事危害國家安全活動,夠趕你班 五毛 有突。都係果句,就算有人攞住歐盟護照做 五毛 ,都唔係擋箭牌嚟,因為根據2004/38/EC,可以用公共安全為理由趕走一個歐盟公民去佢原居國家,而做 五毛 ,就係危害國家安全行為嘅一種,唔理揸英國定葡國護照做 五毛 都係下場悲慘。

後話:我有G Suite Referral Code,用咗有得平,如需要請email索取,[email protected]martinoei.com。同埋如果你係從事敏感行業,都係買番個Yubico Key 做2FA吧。

One thought on “幫中國做 五毛 係一定自招滅亡

  1. 正如馬哈迪說,在大馬攪建設的工程人員, 每十個便有一個不是從事他本來應該做的工作,吳明德所講同郭博士所講都證實了一件事. 中共肯放棄大馬工程, 是捉晒了你門班間諜來同你講數, 中共喜歡攪社團文化. 這樣江湖事由用江湖方式解決.

發表迴響

你的電子郵件位址並不會被公開。 必要欄位標記為 *