泳總-黑過墨斗

德國隊係輸波檢討成個鐘記者會,香港 泳總 ?

今日德國各電視台,中午時間突然改播記者會,唔係聯邦政府就退休政策有共識嘅記者會,而係迎戰法國隊前德國國家隊教練Joachim Löw開記者會檢討自己點解輸波,同埋Mesut Özil單嘢點收科,同香港 泳總 黑箱作業態度相比,真係天淵之別。

泳總 到依家都唔認錯

今日Joachim Löw喺記者會上,承認自己喺執教策略,以至管理上嘅錯誤,所以佢將部分權力分俾 Thomas Schneider,同埋改變佢對控球在腳近乎病態追求嘅打法,佢又講佢喺Mesut Özil單嘢上嘅角色,當然,教練去處理族群政治已經超出能力範圍,Mesut Özil又唔應教練機,呢個已經係超出教練能力範圍,相信德國公眾會收貨。記住,因為呢個一個鐘自我檢討會,ARD係取消咗成日嘅ARD Buffet節目,突然變咗Sportschau,仲要連Tagesschau嘅播放時間都推遲,幾乎播完幾分鐘簡短新聞,就直接去咗ARD同ZDF聯播嘅Mittagsmagazin,你話德國人對足球嘅要求同重視,以及問責程度。

Joachim Löw用錯戰略,教錯波,管理錯咗,處理人事有問題,呢啲可以改正,可以原諒,都要開個大大嘅記者會,全國改變電視台節目安排,你依家 泳總 呢單直頭係醜聞,不折不扣嘅醜聞,歐鎧淳話維護隊友,呢個講法錯到離譜,你見德國國家隊其他成員走去維護Mesut Özil未,Mesut Özil所犯嘅錯誤,都未去到以權謀私嘅級數,雖然喺德國標準已經係十分之大鑊。依家係成個 泳總 連埋霍震霆條仆街,到依家都未交代過發生乜事,係唔係香港人走去廉署舉報,再加上成棚人操上 泳總 office要求交代,至有人可能交代幾句咁大把呢?唔怪得香港嘅體育界,成日有起色後好多時無以為繼,係成個上層架構出咗事,資助幾多精英運動員都無用喇,根本無真正嘅精英可以代表香港出賽,全部都係我爸係李剛嘅做法,點可能有勁人代表到香港至得。

當然,香港人嘅態度如果都係無所謂,咁大家等睇香港各方面集體走上中國之路。

發表迴響

你的電子郵件位址並不會被公開。 必要欄位標記為 *