聯合航空-玩膠-min

同 聯合航空 鬥玩膠係唔會有好下場

我唔知邊個打飛機奇人,諗到要迫航空公司叫台灣做中國台灣,但依家惹著啲全世界頂尖嘅玩膠高手,你中國都幾頭痕吓。 聯合航空 網站玩膠玩到大中華三地全部用貨幣揀所屬國家,堪稱奇景,中國簡直被人過咗一大棟,唔知點算好。

同 聯合航空 玩你玩唔過

聯合航空 係我絕對唔會再坐航空公司之一,雖然我曾經係佢地Miliage 計劃嘅member, 聯合航空 係一間玩膠玩到盡嘅公司,被美國啲刁民玩到成精,結果佢係世界數一數二嘅仆街航空公司,但亦因為佢長年對住各類刁民,包括相信唔少嚟自中國嘅刁民,你估你想玩乜,佢唔知,你惹著 聯合航空 ,就真係惡人自有惡人磨,你民航總局大枝嘢,我 聯合航空 唔駛對住侵總統呀,結果就出奇招,用貨幣嚟稱呼,唔好話台唔台獨,你中國有本事搞到貨幣統一先算喇,喺人民幣食緊瀉藥嘅時候,而且得你大中華三地至搞到用貨幣稱呼,簡直同全世界宣布中國人都係膠人嚟,否則點會搞到用貨幣稱呼國名至得,我覺得呢件事堅係好笑到一個點, 聯合航空 難得做好事。

相信 聯合航空 咁玩,中國民航總局係無嘢好講,仲大大聲講嘢,我睇怕下一輪侵總統嘅貿易戰就搞著你啲航空公司,你中國啲國有航空公司返去食西北風喇,而且 聯合航空 到依家仍然係Star Alliance嘅主導成員之一(雖然依家Star Alliance好明顯係德國漢莎大聲啲), 聯合航空 咁玩,你估其他Star Alliance系果啲唔會咁做,甚至 聯合航空 嘅競爭對手美國航空都玩埋一份,屆時成個Oneworld都會改晒(可能除咗因航,因為因航同中國國航嘅互控關係,無計喇),屆時你中國人嘅打飛機大計完全失敗收場,真係哈哈哈喇。

都係果句, 聯合航空 係全世界最仆街嘅航空公司,但因為佢夠仆街,至可以連中國政府都玩謝埋,諗到貨幣分類,連中國都消失埋嘅玩法,所奉勸唔好再玩落去,香港就係香港,台灣就係台灣,中國就係中國,現實就係如此,中國台灣呢個名,除咗滿足部分人打飛機嘅欲望,其實對所謂中國統一只會有反效果,簡直係助長國家分裂。

發表迴響

你的電子郵件位址並不會被公開。 必要欄位標記為 *