友愛邨墓穴-min

友愛邨墓穴 :Der reale Irrsinn in Hong Kong

喺我網上睇到 友愛邨墓穴 呢單膠嘢果陣,我以為自己睇錯 Extra-3,因為德國NDR嘅Extra-3,每個禮拜都會喺德國各地搵啲荒謬絕倫嘅公共建設俾大家嘆,叫 Der reale Irrsinn (真嘅黐線嘢,Irrsinn用英文解即Madness),但我睇完後,我覺得呢單嘢,好有資格出現喺 Extra-3,我想問,點解要為咗冚非法聚賭,要起幾個墓穴咁嘅物體大家嘆?

友愛邨墓穴 :無其他方法咩?

無可否認,成棚廢老喺度聚賭真係一個好厭惡嘅問題嚟,仲要隨時引嚟一班大媽聚集,都咪話唔煩呢家嘢,只不過,要防止聚賭有好多方法,可以整幾盤仙人掌,如果真係要阻人聚集,雖然仙人掌都好膠,但唔係呢幾舊廿幾萬墓穴咁嘅石頭囉,一方面嚇死人,另一方面,廿幾萬?錢太多呀,你同我講呢幾舊石頭要我廿萬,不如搵古思堯專業起個結束一黨專政嘅山墳出嚟,錢都唔駛俾添,真係沒有最黐線,只有更黐線,所以我話呢個 友愛邨墓穴 ,點只係膠事,簡直係Irrsinn,應該係比利時佬或荷蘭佬呢啲個腦成個唔知short咗去邊度嘅人,都唔會諗得出嚟嘅屎橋,運吉署諗出呢條屎橋嘅人,簡直要接受世界級表揚,或者改行做殯儀業算吧,果位官員似乎對起陰宅嘅在行度,比起陽間嘅道路更加在行,不如早日轉行,早啲搵真銀好過。

要解決友愛邨嘅聚賭問題,其實應該搵社會福利署,探望一吓呢啲游手好閒,做病態賭徒嘅廢老,而唔係用廿幾萬起一堆山墳嚇死人唔知有乜用,呢廿幾萬,當然唔係俾啲廢老去賭錢,但如果用嚟提供一啲安老服務,都應該有效過起幾舊石頭被人鬧爆又唔知做乜,香港果然積聚膠力,積到已經超越咗常人理解嘅水平程度。

至於Extra-3精選啲德國黐線嘢有幾黐線,可以睇呢度:https://www.ndr.de/fernsehen/sendungen/extra_3/rueckschau/Der-reale-Irrsinn-im-Ueberblick,realsatire103.html,呢啲至係頭條新聞要做。

One thought on “友愛邨墓穴 :Der reale Irrsinn in Hong Kong

發表迴響

你的電子郵件位址並不會被公開。 必要欄位標記為 *