個人所得稅法-min

中國修改 個人所得稅法 :香港人必須對自己身份作抉擇

中國依家審議緊新 個人所得稅法 ,香港人住滿中國本土一百八十三日就要就佢喺中國同全球各地嘅收入交稅,呢個變相廢咗香港同中國之間雙重徵稅協議嘅武功。另一方面,喺支爆嘅情況下,香港係必須對自己身份作出抉擇。

個人所得稅法 修改收香港人稅係遲早問題

喺支爆下,中國嘅財政收入越嚟越少,所以喺2017年修改法律,中國跟美國、德國呢兩個真強國行全球徵稅,以及加入CRS(共同匯報標準),其實香港人喺中國收入唔駛交中國稅,以及做咗中國居民後唔駛交香港收入嘅稅呢種特惠唔會維持得耐,中國有得劏你班友,你估佢唔劏。所以呢次修改 個人所得稅法 ,喺呢方面同西方國家睇齊,呢個係支爆嘅結果。如果香港人唔想交中國稅,就唔好中大灣區嘅伏,依家土共仲爭取香港人唔駛交,睬你都傻,中國無可能採納你班土共嘅建議,又要回鄉卡等同中國居民身份證,又要唔駛交稅,呢個世界邊有咁筍嘅事,中國依家已經無錢搞統戰,真係難聽啲講,呢班土共仲有無得食狗糧都係一個問題。

個人所得稅法 咁改,其實代表香港人一定要就自己嘅身份作出清楚抉擇,你係中國人定香港人,兩者十分之有分別,亦唔好諗住可以兩面逢源。對於呢啲全球徵稅我係有親身經驗,因為德國正正係全球徵稅嘅國家,英國反而唔係,英國你申報海外收入作交稅用途,呢個為你子女同家人未來福利著想,呢個係自願,唔係必須,但德國係住夠一百八十三日,有德國稅務號碼就要全球收入交稅,所以我當初去德國係諗得好清楚,因為你會無咗你享受嘅低稅世界。同樣,中國啲稅會越嚟越亂嚟,而香港稅局會企喺香港人定中國人果邊,我十分之懷疑,所以如果你唔想被中國政府搶你嘅錢,你依家就要同中國作出了斷,包括唔要中國嘅工,當然,依家支爆臨近,其實早啲走早安全,因為中國搶錢嘅手段只會層出不窮,而中國仲守唔守到人民幣已經係一個疑問,由依家港幣弱方兌換保證係咁被衝擊,都知依家只不過係讓領導先走嘅迴光反照。都係果句,依家仲想賺中國錢嘅人,遲早被老共搶晒啲錢同身家。

發表迴響

你的電子郵件位址並不會被公開。 必要欄位標記為 *